مەکتەبی سکرتاریەتی سەرۆک مام جەلال: تێکۆشەرانی یەکێتی سەرمایەیەکی گەورەن

PUKMEDIA

مەکتەبی سکرتاریەت

مەکتەبی سکرتارییەتی سەرۆک مام جەلال لە شاری هەولێر، لە دوو سەردانی جیادا هەریەک لە سەرکردە و سیاسەتمەدار و تێکۆشەرانی دێرینی گەلی کورد (عەدنان موفتی و مامۆستا چەتۆ حەوێزی) یان بەسەرکردەوە و رایانگەیاند: تێکۆشەرانی یەکێتی سەرمایەیەکی گەورە و بەنرخن.

ئەمڕۆ 6ی 11ی 2025 ئەندامانی مەکتەبی سکرتارییەتی سەرۆک مام جەلال لە شاری هەولێر سەردانی هەریەکە لە عەدنان موفتی و مامۆستا چەتۆ حەوێزییان کرد و رایانگەیاند: ئەو دوو تێکۆشەرە دوو سەرکردە و سیاسەتمەداری گەورەی گەلی کورد و یەکێتیی نیشتمانیی کوردستانن و هەر لەسەرەتاوە لەگەڵ هەڵگیرسانەوەی شۆڕشی نوێدا رەگ و ریشەیان بە بەهێزی داکوتاوە و بە مەچەکێکی قایم و پڕ لە وزەی بەرخۆدان و شۆڕشیان کردووە.

ئاماژەیان بەوەشکرد: ئەمەش مایەی شانازی و پێزانینمانە و تێکۆشەرانی یەکێتیی نیشتیمانی کوردستان سەرمایەیەکی گەورە و بەنرخن و رەنج و ماندوبوونیان لە مێژوودا بە گەورەیی تا کۆتایی لەلامان دەمێنێتەوە.

لە سەردانەکەدا هەریەکە لە عەدنان موفتی و مامۆستا چەتۆ حەوێزی سەردانیکردنەکەیان بەرزنرخاند و داوایانکرد بەسەرکردنەوەی تێکۆشەران و خەباتگێڕانی کوردایەتی بایەخی زیاتری پێبدرێت کە ئەمە لە ئاکار و رێبازی سەرۆک مام جەلال ـوە سەرچاوە دەگرێت و جۆشدانەوەیەکی زیاتری یەکێتیی بوونیشە.

PUKMEDIA