كارنامەی لیستی 222 ی یەكێتی بۆ سێکتەری کارگێڕی و ئابووری

PUKMEDIA

لیستی ٢٢٢ی یەکێتیی نیشتمانیی کوردستان

یەکێتیی نیشتمانیی کوردستان بۆ سێکتەری کارگێڕی و دارایی و ئابووری، پێشتر لە پەرلەمانی کوردستان بەڕوونی لە کارنامە هاوبەشەکەی لەگەڵ لایەنە بەشدارەکانی حکومەت رژد بووە لەسەر جێبەجێکردنی کارنامەکەی. مسۆگەر، کارنامەی یەکێتی موکڕبوونە لەسەر نەهێشتنی رۆتیناتی ئیداری و جیاکاری لە نێوان شار و شارۆچکەکان و پلەبەندی سیاسیی لە نێوان هاووڵاتییان، تا هاووڵاتییان لە سەرجەم شار و شارۆچکەکان بتوانن بە شێوەیەکی ئازادانە دوور لە هەموو بنەماکانی حزبیبوون و لەسەر بنەمای هاووڵاتیبوون ژیان بکەن.

هاوتەریب، یەکێتی پێداگربووە لەسەر ڕێگەنەدان بە یاساشکێنی و رژدبووە لەسەر ریشەكێشكردنی دەستی حزب و لایەنەکان لە ناو دادگاکان و بە ئاڕاستەی سەربەخۆکردنی دادگاکان.

هاوکات، فەراهەمکردنی یەکسانی لە دابەشکردنی پۆستە ئیدارییەکان، و کاراکردنی (سیستمی یەک پەنجەرە) بۆ ئاسانکاری ئیداری و نەهێشتنی رۆتیناتی ئیداری، و داڕشتنی ستراتیجێکی راستبینی بۆ خزمەتکردنی هاووڵاتییان بە ئەولەویەت گرتووە، و ئەم هەنگاوانەش بە ڕوونی لە جێبەجێکردنی کارنامەکەی لەگەڵ هاوبەشانی لە حکومەت دەستەبەر کردووە.

خزمەتکردن و ئاسانکاريی بۆ سەرجەم توێژەکانی کۆمەڵگە، بەتایبەت کەسوکاری سەربەرزی شەهیدان، کەمئەندامان و پێشمەرگە وتێکۆشەر و زیندانییانی سیاسیی لە پێشینەی کارەکانی یەكێتی بووە و لە چوارچێوەی سیستمی لامەرکەزی بۆ رێگەگرتن لەڕۆتیناتی ئیداری یەكێتی هەموو هەوڵێک دەدات، بۆ رێکخستنەوەی باج و رسووماتو رێکكەوتن لە گەڵ بەغداد و کۆتاییهێنان بە دیاردەی بە قاچاغبردنی نەوت و شەفافکردنی تەواوی داهاتە هەرێمییەکان و رێكکەوتن لە گەڵ بەغدا بۆ کۆتاییهێنان بە مەینەتی و کێشەکانی هەرێمەکەمان.

 PUKMEDIA