حاکم قادر: ھەموان دەنگ بە لیستی 222ی یەکێتیی بدەن

PUKMEDIA

حاکم قادر لەناو لاینەگرانی یەکێتی

حاکم قادر حمەجان ڕایگەیاند: لە پێناو پارێزگاریكردن لە مافە دەستوریەكانی گەلی کوردستان، گرنگە دەنگ بە لیستی 222ی یەکێتیی نیشتمانیی کوردستان بدەن.

حاكم قادر حه‌مه‌جان، بەشداری چەند كۆبونەوەیەكی جەماوەری كرد و رایگەیاند، هەرێمی فیدڕاڵی کوردستان، دەستکەوتێکی میللییە و بە یەکڕیزی گەلی کوردستان دەپارێزرێت و گەشەی پێدەدرێت.

ھەر لەو كۆبونەوانەدا جەختی لەوە کردەوە، کە یەكێتیی نیشتمانیی كوردستان لە پێناو یەكڕیزی گەلی كوردستان و تەبایی حزبە كوردستانییەكان كە ویستی سەرجەم كۆمەڵانی خەڵكی كوردستانە باج و قوربانی زۆری داوە و خەباتی بۆ كردووە وەك ئەركێكی نیشتمانی و نەتەوەیی.

ھێمای بۆ ئەوەشكرد، ئەو مەترسی و ھۆشدارییانەی كە لەلایەن وڵاتانەوە دەدرێت وا دەخوازێت ھەموان ناكۆكی و ململانێكانیان وەلابنێن.

وتیشی، لەم قۆناغەدا سازانی نیشتیمانی ئەركە، بەرپرسارێتیە و لە ئەستۆی ھەموانە، چونكە بە یەكڕیزی گەلی كوردستان دەتوانین مافی نیشتمانی و نەتەوەیمان بپارێزین و ھەنگاو بەرەو بە دیموكراتكردنی كۆمەڵگە بنێین.

وتیشی، ئەركی نوێنەرەكانمانە لە ئەنجومەنی نوێنەرانی عیراق كە بە یەكگوتاری سیاسی و ستراتیجی ھاوبەش داكۆكی لە مافە دەستوریەكانمان بكەن، لە پێناو پاراستنی ناوچە كوردستانییەكان و جێبەجێكردنی مادەی 140 كە مادەیەكی دەستوریە.

ئاماژەی بە ئەوەشكرد،كە بۆ پارێزگاریكردن لە مافە دەستوریەكانی گەلی کوردستان و پاراستنی دەستكەوتەكانمان گرنگە هەموان دەنگ بە لیستی 222ی یەکێتیی نیشتمانیی کوردستان بدەن.

PUKMEDIA