مەکتەبی سیاسی_بەغداد: یەکێتی حزبی شەهیدان و قوربانی دانە

PUKMEDIA

مەکتەبی سیاسی_بەغداد

مەکتەبی سیاسی یەکێتیی نیشتمانیی کوردستان پێشوازی لە خانەوادەی شەهیدان دەکات لە بەغداد.

رۆژی چوارشەممە 5ی تشرینی دووەمی 2025، لە بارەگای مەکتەبی سیاسی یەکێتیی نیشتمانیی کوردستان لە بەغداد بێستون عادل جێگری بەرپرسی مەکتەبی سیاسی لە بەغداد پێشوازی لە ژمارەیەکی زۆر لە کەسوکاری شەهیدان کرد کە خاوەنی قوربانیی دانێکی زۆرن لە پێناو ئازادی و بەرگریکردن لە یەکێتیی نیشتمانیی کوردستان .

لە دیدارەکەدا جێگری لێپرسراوی مەکتەبی سیاسی پێزانینی قوڵی یەکێتی بۆ قوربانیدانی شەهیدان و ڕۆڵی سەرەکییان لە مێژووی یەکێتی دا دەربڕی. دووپاتیشی کردەوە، ئەو سەرکەوتن و دەستکەوتانەی بەدەست هاتوون، دەرئەنجامی ڕاستەوخۆی خوێنی ئەو شەهیدە ڕاستگۆیانەن کە بە قوربانیدانەکانیان ڕێگەی تێکۆشانیان گەشانەوە و ئازادی ئەمرۆیان بە دیهێنا .

لای خۆیانەوە کەسوکاری شەهیدان پەیمانیان بۆ بەردەوام بوون لەسەر رێبازی یەکێتی دوپات کردەوە و رایانگەیاند کە پاڵپشتی تەواوی خۆیان بۆ کاندیدی یەکێتی لە بەغدا، د. ئایات ئەدهەم دوپاتکردەوە بەرامبەر خزمەتەکانی بە کەس و کاری شەهیدان .

PUKMEDIA