رفعەت عەبدوڵڵا: یەكێتی پشتیوانی لەباشتركردنی ژیانی كرێكاران دەكات

نوسینگەی راگەیاندنی جێگری سەرۆكی یەكێتی

كۆبوونەوەی رفعەت عەبدوڵڵا لەگەڵ لیستی سەوزی لقی سلێمانی، یەكێتیی سەندیكاكانی كرێكارانی كوردستان

لەچوارچێوەی كەمپەینی سەرخستنی لیستی (٢٢٢ی.ن.ك) جێگری سەرۆكی یەكێتیی نیشتمانیی كوردستان، لەگەڵ لیستی سەوزی لقی سلێمانی، یەكێتیی سەندیكاكانی كرێكارانی كوردستان، كۆبووەوە و ئەركە هەنوكەییەكانی ئەم وێستگە دیموكراسییەی روونكردەوەو ئاماژەی بۆ رۆڵی گرنگی چینی كرێكاران كرد لە بونیادنان و ئاوەدانكردنەوەی كوردستاندا.

رفعەت عەبدوڵڵا، رایگەیاند: یەكێتی پشتیوانی هەر هەوڵێك دەكات بەئاڕاستەی تێگەیشتن لەكێشەكانی كرێكاران و باشتركردنی رەوشی ژیانیان، لەوبارەیەوە وتی: یەكێتی هەوڵدەدات بۆ چەسپاندنی زیاتری یاسا هاوچەرخەكانی كارو دەستەبەری كۆمەڵایەتی و هێنانەدی سەرجەم مافە پیشەیی و سەندیكایەكانتان.

PUKMEDIA