مەکتەبی سکرتارییەت دوو تێکۆشەری دێرین بەسەردەکاتەوە

PUKMEDIA

سەردانی مەکتەبی سکرتارییەت بۆ لای تێکۆشەران

مەکتەبی سکرتارییەتی سەرۆک مام جەلال، بەیاوەری (یەعقوب ئاشی بێکۆرەیی) لەقەزای سۆران، لە دوو سەردانی جیادا هەریەک لە هەڤاڵان کاک (حاجی حارس گەزنەیی و حاجی تاڵب سلێمان روستایی)کەسایەتی دیارو تێکۆشەرانی دێرینی یەکێتی و گەلی کوردیانکرد.

لەو سەردانەدا، مەکتەبی سکرتارییەت بەوپەڕی پێزانینەوە باسیان لە رۆڵی کاریگەر و دڵسۆزانەی بەڕێزان (حاجی حارس گەزنەیی و حاجی تاڵب روستایی) کرد، کە هەر لەتەمەنی لاوێتیەوە چەکی شەرەفییان لە شاناو تەمەنی خۆیان بەخشییە خزمەت شۆڕش و دۆزی رەوای گەلەکەیان بێ دابڕان، هەڤاڵانی سۆران هەمیشە وەک مەچەکێکی قایم و پڕ لە وزەی خەباتی چەکداری و شۆڕشی نوێ لە گۆڕەپانەکەدا ئەسپی خۆیان تاوداوەو لەسەنگەری پێشەوەی رووبەڕووبونەوەکاندا وەستانەتەوە ئەمەش لە لای ئێمە مایەی شانازی و پێزانینە. لەم رووەوە ئەندامانی مەکتەبی سکرتارییەتی سەرۆک مام جەلال پەیام و سڵاوی سەرۆک بافڵ جەلال تاڵەبانی؛ هەڤاڵ قوباد تاڵەبانی یان ئاڕاستەکردن.

لەبەرامبەردا، هەریەک لە هەڤاڵان حاجی حارس گەزنەیی و حاجی تاڵب روستایی بە بایەخەوە باسیان لە سەردانەکەی مەکتەبی سکرتارییەت کردو رایانگەیاند: وەک چۆن لە رابردوو خوێندکارێکی قوتابخانەکەی سەرۆک مام جەلال بووین، لەم قۆناغەدا بە هەمان رۆحییەت کاردەکەین بۆ سەرخستنی لیستی ٢٢٢ ی یەکێتی نیشتمانیی کوردستان.

PUKMEDIA