قوباد تاڵەبانی: هەمیشە تەکیە و خانەقاکان رۆڵی ئاشتەواییان هەبووە

PUKMEDIA

قوباد تاڵەبانی

قوباد تاڵەبانی، سەرپەرشتیاری بازنەی هەڵبژاردنی هەولێری لیستی 222ی یەکێتی سەردانی هەریەکە لە خانەقاکانی شێخ عەبدولعەزیز گەیلانی و شێخ ئیسماعیلی ولیانی لە ئاکرێ کرد و رایگەیاند: هەمیشە تەکیە و خانەقاکان پەناگەیەکی رۆحی گەورە بوون بۆ ئەهلی عیرفان و باوەڕدارانی کورد و رۆڵی بنەڕەتییان هەبووە لە ئاشتەوایی کۆمەڵایەتی و چارەسەرکردنی کێشەکان.


دەقی راگەیاندراوی  سەرپەرشتیاری بازنەی هەڵبژاردنی هەولێری لیستی 222ی یەکێتی لەبارەی سەردانی تەکیەکانی ئاکرێ:

تەکیە و خانەقاکان هەمیشە پەناگەیەکی رۆحی گەورە بوون بۆ ئەهلی عیرفان و باوەڕدارانی کورد و لە هەمان کاتیشدا دەزگایەکی کۆمەڵایەتیی گرنگ و خزمەتگوزار بوون و رۆڵی بنەڕەتییان هەبووە لە ئاشتەوایی کۆمەڵایەتی و چارەسەرکردنی کێشەکان.

خۆشحاڵ و شەرەفمەند بووم بە خزمەتی هەر یەکە لە جەنابی شێخ وریای شێخ سەعیدی بەرزنجی لە تەکیەی شێخ عەبدولعەزیز گەیلانی و جەنابی شێخ کاکە رەزا شێخ عەبدولعەزیز بەرزنجی لە تەکیەی شێخ ئیسماعیلی ولیانی لە ئاکرێی خۆشەویست گەیشتم. سوپاسیانم کرد بۆ رۆڵی گەورەیان لە ئاشتەوایی کۆمەڵایەتی و قوڵکردنەوەی گیانی پێکەوەژیان لە دەڤەرەکەدا.

PUKMEDIA