عیماد ئەحمەد بۆ بۆردی راگه‌یاندن: وه‌ڵامتان بۆ ناحه‌قییه‌كان هه‌بێت

PUKMEDIA

مەکتەبی راگەیاندنی یەکێتی

عیماد ئەحمەد لێپرسراوی مەکتەبی راگەیاندن و هۆشیاری لەگەڵ بۆردی راگەیاندن کۆبووەوە  و رایگەیاند: یەکێتی لەبەردەم سەرکەوتنێکی گەورەدایە ئەرکی میدیای یەکێتیش ئەوەیە کارەکانمان  ئاڕاستەبکەین بۆ هەموو ئەو ناحەقیانەی بەرامبەر سلێمانی و خەڵکە تێکۆشەرەکەی دەکرێت ئەویش لەسەر بنەماکانی کاری راگەیاندن.

ئەمڕۆ 3ی 11ی 2025، عیماد ئەحمەد لێپرسراوی مەکتەبی راگەیاندن و هۆشیاری لە کۆبوونەوەیدا  لەگەڵ بۆردی راگەیاندن ئاماژەی بەوەدا: یەکێتی بەسەرۆکایەتی سەرۆک بافڵ بە یەک تیم و بەرۆحیەتی نیشتمانیی و کوردستانییەوە کار بۆ جێبەجێکردنی ویست و خواستەکانی چین و توێژەکان دەکات و ئەرکمانە وەک میدیای یەکێتیش لەسەر بنەمای کاری راگەیاندن کارەکانمان  ئاڕاستەبکەین و بۆ هەموو ئەو ناحەقیانەی بەرامبەر سلێمانی و خەڵکە تێکۆشەرەکەی دەکرێت وەڵامی  پێویست و گونجاوتان هەبێت ئەویش لەچوارچێوەی پاراستنی بەها باڵاکانی کاری راگەیاندن.

 لێپرسراوی مەکتەبی راگەیاندن و هۆشیاری راشیگەیاند: میدیای یەکێتی دەبێت وەک هەمیشە سەنگین  و راستگۆیانە بەرگری لە کۆمەڵانی خەڵک لە دهۆکەوە تا خانەقین و مەندەلی بکات و ئەوەی هەندێ میدیای چەواشەکاریش دەیکات نابێت  ساردمان بکاتەوە چونکە یەکێتییەکمان لەبەردەم سەرکەوتنێکی گەورەدایە بۆیە دەبێت بە پەرۆشانەتر کار بکەین بۆ سەرخستنی لیستی ٢٢٢  و هەمووانیش لەم سەرکەوتنەی یەکێتی کە سەرکەوتنی خەڵک و پاراستنی ماف و ژیانی و مووچە هاووڵاتیانە بەشداری گەرموگوڕ بکەین .

هاوکات لە کۆبوونەوەکەدا لەتیف نێروەیی لێپرسراوی بۆردی راگەیاندن باسیلەوەکرد: میدیای یەکێتی پابەندی تەواوی بە بنەماکانی کاری راگەیاندن بەشێوەیەکی پیشەیی و   بەدڵنیاییەوە لەبەرامبەر چەواشەکارییەکانی میدیای لایەنێک و قسە نابەرپرسەکانی هەندێ لێپرسراو وەڵامی گونجاومان دەبێت و راستەیەکان وەک خۆی بۆ خەڵکەکەمان رووندەکەینەوە .


PUKMEDIA