هەفتانە چوار گەشتى ئاسمانى لە نێوان سلێمانی و ئەستەنبوڵ ئەنجامدەدرێت

PUKMEDIA

فڕۆکەخانەى نێودەوڵەتى سلێمانى

شەوى رابردوو یەکەم گەشتی ئاسمانی لە نێوان فڕۆکەخانەی نێودەوڵەتی سلێمانی و ئەستەنبوڵ ئەنجامدرا.

لە کۆنگرەیەکی رۆژنامەوانیدا رێباز محەمەد بەڕێوەبەری گشتی فڕۆکەخانەی سلێمانی، رایگەیاند: قوباد تاڵەبانی  لەگەڵ داخستنی فڕۆکەخانەکەدا، بە بەردەوامى لەگەڵ کونسوڵخانەی تورکیا لە پەیوەندیدا بووە، بۆیە سوپاسى بێ پایانى دەکەین.

ئاماژەیبەوەشدا: ئەمەش درێژکراوەی هەوڵە دیبلۆماسی و سیاسییەکانی سەرۆکی یەکێتییە، کە سلێمانی بوەتە خاڵێکی گرنگ بۆ پڕۆژەی ئاشتی لە رۆژهەڵاتی ناوەڕاست.

ئەوەشى روونکردەوە: تورکش ئێرلاین یەکەم هێڵی ئاسمانی دەبێت و هەفتانە چوار گەشتی دەبێت.

ئەمە لەکاتێکدایە لە 3ی نیسانی ساڵی 2023وە تورکیا قەدەغەی گەشتەکانی بۆ سلێمانی دەستپێکرد و رۆژی 15ی10ی 2025 (ده‌سه‌ڵاتی فڕۆکه‌وانی شارستانی تورکیا) گەشتە ئاسمانییەکان و ئاسمانی وڵاتەکەی بە رووی گەشتەکان بۆ فڕۆکەخانەی نێودەوڵەتی سلێمانی ئاسایی کردەوە و شەوى رابردوو یەکەمین گەشت ئەنجامدرا.

PUKMEDIA