كارنامەی یەكێتی بۆ كەسوكاری شەهیدان و ئەنفالکراوان و تێكۆشەران و کەمئەندامانی سەنگەر

PUKMEDIA

لیستی یەکێتیی نیشتمانیی کوردستان ژمارە 222

یەکێتیی نیشتمانیی کوردستان کارنامە و ستراتیجی لیستی ٢٢٢ی یەکێتیی نیشتمانیی کوردستان-ی بۆ هەڵبژاردنی ئەنجومەنی نوێنەرانی عیراق راگەیاندووە، کە خۆی لە 10 خاڵدا دەبینێتەوە و زۆرینەی سێکتەرەکانی کۆمەڵگە لە خۆدەگرێت.

سەبارەت بە  كەسوكاری شەهیدان و ئەنفالکراوان و تێكۆشەران و کەمئەندامانی سەنگەر لە کارنامەکەدا هاتووە:

مافە بەدەستهاتووەکانی گەلەکەمان و چەسپاندنی سیستمی فیدراڵی لە عیراق، بەرهەمی قوربانییەکانی شەهیدان و پێشمەرگە دێرینەکان و زیندانیانی سیاسی و رێکخستنە دێرینەکان و ئەنفالکراوان و کەمئەندامانی سەنگەر، بۆیە خۆیان و کەسوکار و نەوەکانیان شایەنی ژیانێکی شایستە و خزمەتی زیاترن، یەکێتیی نیشتمانیی کوردستان کە بە حزبی شەهیدان ناسراوە و خاوەنی زۆرترین قوربانیدانە، بۆ قۆناغی خەباتی پەرلەمانی داهاتووی کار دەکات بۆ:

1-هاوتاکردنی موچە و ئیمتیازاتەکانی کەسوکاری شەهیدان و ئەنفالکراوانی هەرێم لەگەڵ موچە و ئیمتیازاتەکانی شەهیدان لە عیراق.

2-هاوتاکردنی مووچە و ماف و ئیمتیازاتەکانی زیندانیانی سیاسی هەرێم لەگەڵ مووچە و ماف و ئیمتیازاتەکانی زیندانیانی سیاسی لە عیراق.

3- هاوکاریکردنی ماددی کەسوکاری شەهیدان و ئەنفالکراوان و تێكۆشەران و کەمئەندامانی سەنگەر و نەوەکانیان لە پرۆسەی خوێندن و هاوسەرگیری.

4-ئەولەویەتدان بە کەسوکار و نەوەکانیان لە دامەزراندندا.

5-پێشکەشکردنی خزمەتگوزاری چاودێری تەندروستی و کۆمەڵایەتی بە کەسوکار و نەوەکانیان.

6- چارەسەرکردنی پێشمەرگە دێرینەکان و زیندانیانی سیاسی و رێکخستنە دێرینەکان و کەمئەندامانی سەنگەر لە نەخۆشخانە حکومییەکان بێبەرانبەر و هاوکاریکردنیان لە حاڵەتی چارەسەرکردن لە نەخۆشخانە تایبەتەکان و لە دەرەوەی وڵات.

7- هەڵدانەوەی گۆڕە بەکۆمەڵەکان و گێڕانەوەی روفاتی ئەنفالکراوان و کیمیاباران و قەرەبوکردنەوەی کەسوکاریان.

PUKMEDIA