خاتوو شاناز پیرۆزبایی لەیادی یۆبێڵی زێڕینی راگەیاندنی یەکێتی دەکات

PUKMEDIA

شاناز ئیبراهیم ئەحمەد

خاتوو شاناز ئیبراهیم ئەحمەد لەیادی یادی یۆبێڵی زێڕینی راگەیاندنی یەکێتیی نیشتمانیی کوردستان پیرۆزبایی لە رۆژنامەوانان و میدیاکاران و کادیران و کارمەندانی راگەیاندنی یەکێتی دەکات.

دەقی پەیامەکە...

پیرۆزباییتان لێ دەکەم بۆ یادی یۆبێڵی زێڕینی راگەیاندنی یەکێتیی نیشتمانیی کوردستان، ئەو سەکۆ میدیاییە نیشتمانی و نەتەوەییە دێرینانەی چەندین ساڵە دەنگ و رەنگی یەکێتیی نیشتمانیی کوردستان و پردێک بوون بۆ گەیاندنی پەیامی حزبی شەهیدان بەکۆمەڵگە لەهەموو بارودۆخێکدا. 

کەناڵ و رۆژنامە و وێبسایتە جۆراوجۆرەکانی یەکێتی هەریەکە و لەئاستی خۆیەوە چالاکانە رۆڵی خۆی بینی و سەلماندی سەرچاوەی هوشیارکردنەوەیە بەزانیاری راست و بەرپرسیارانە.

بەم بۆنەیەوە دەستخۆشی لەبەخشینی بەردەوامتان ئەکەم و هیوای سەرکەوتن و پێشکەوتنتان بۆ دەخوازم لەگەیاندنی ئەو پەیامە میدیاییە گرنگەی خۆتان بۆ تەرخان کردووە لەڕابردوو و ئێستای قۆناغی ئامادەسازی بۆ هەڵبژاردن و ناساندن و پشتیوانی لە لیستی ژمارە 222ی یەکێتیی نیشتمانیی کوردستان و کاندیدەکانی بۆ هەڵبژاردنی ئەنجومەنی نوێنەرانی عیراق. 

شاناز ئیبراهیم ئەحمەد

PUKMEDIA