یەکێتیی نیشتمانیی کوردستان و پێکەوەژیانی پێکهاتەکان لە هەرێمی کوردستان

PUKMEDIA

یەكێتیی نیشتمانیی كوردستان

یەکێتیی نیشتمانیی کوردستان، وەک یەکێک لە پارتە سیاسییە سەرەکییەکانی هەرێمی کوردستان، هەمیشە جەختی لەسەر پرەنسیپی فرەیی و پێکەوەژیانی ئاشتییانەی پێکهاتە نەتەوەیی و ئایینییە جیاوازەکان کردووەتەوە و دیدگای یەکێتی بۆ پێکهاتەکان لەسەر بنەمای ئەوە دامەزراوە، کە هەرێمی کوردستان موڵکی هاوبەشی هەمووانە، بە کورد، تورکمان، عەرەب، ئاشووری، کلدانی، سریانی، ئێزدی، کاکەیی، کریستیان و سەرجەم پەیڕەوانی ئایین و مەزهەبەکانی دیکەوە و ئەم بنەما ئاكارییەش سەرۆك مام جەلال وەك فەرهەنگێكی دەوڵەمەند بەجێیهێشتووە و سەرۆك بافڵ تاڵەبانی و یەكێتیەكان پێوەی پابەندن و دوێنێش لە پەیامەكەی سەرۆكی یەكێتی لە كەرنەڤاڵی هەولێر ئەو بنەمایە دوپاتكرایەوە.

كارنامه‌ی لیستی 222 ی یه‌كێتی بۆ سیاسەتی كۆمەڵایەتی و کەلتووریی و هونەری و فەرهەنگی

یەكێتیی نیشتمانیی كوردستان بڕوای وایە جیاوازییە ئایینی و مەزهەبییەكان دەكرێت بكرێنە هەوێنی فرەیی و پێكەوەژیان و لێبوردەیی. هەروەها، کەلتوور و هونەریش، پردی پێکەوەژیان و ناسنامەی نەتەوەیین، بۆیە یەكێتی:

1-داكۆكی دەكات لە پاراستن و پەرەپێدانی فرەیی کەلتووری و هونەری لە عیراق، و وەكیەكی لە نێوان ژنان و پیاوان،لادێ و شارستان، ئایین و ئایینزاكان، و ڕێزگرتن لە ئایینیی میللی و ئیسلامی كوردەواری، و پشتیوانی لە گوتاری ئایینیی میانڕەو، و وەستانەوە بە ڕووی پەڕگیری و توندڕەوی و بیری تەكفیریی و تیرۆر.

2- تێدەكۆشێت بۆ زیادکردنیبودجەی وەزارەتی ڕۆشنبیریو دامودەزگا کەلتوورییەکان لە ئاستی فیدراڵی،و تەرخانکردنی بودجەی تایبەت بۆ پڕۆژە کەلتوورییەکان لە هەرێم و شارەکانی دیکە.

3-هەوڵی پاراستنی شوێنەوارە مێژوویی و کەلتوورییەکانی عیراق دەدات، کە لە لیستی کەلەپووری جیهانیدا تۆمارکراون.

4- خەبات دەكات بۆ دابینکردنی پاڵپشتی دارایی و مەعنەوی بۆ هونەرمەندان، نووسەران، سینەماکاران، و شانۆکاران لە سەرانسەری عیراقدا.

5- كار دەكات بۆ پەرەپێدانی پەیوەندییە کەلتوورییەکان لەگەڵ وڵاتانی جیهان و ناساندنی کەلتووری دەوڵەمەندی پێكهاتەكانی هەرێمی كوردستان و عیراق.

6-داكۆكی دەكات لە پاراستنیکەلتوور و هونەر و ئایین و مەزهەب و فەرهەنگی پێکهاتە نەتەوەیی و ئاینییە جیاوازەکان وەک سەروەتێكی ڕەمزیی دەوڵەمەندی گەلانی عیراق.

یەکێتی پشتگیریی لە پێکەوەکارکردن و رێزگرتن لە جیاوازییەکان دەکات

د.شیلان فەتحی كاندیدی ژماره‌ 24 ی لیستی 222  ی یه‌كێتی له‌ بازنه‌ی کەرکوک، به‌ وێبسایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند:  بەپێکەوەکارکردن و رێزگرتن لە جیاوازییەکان، دەتوانرێت داهاتوویەکی گەشاوە بۆ هەرێمی کوردستان بنیاد بنرێت و بەشداریپێکردنی پێکهاتەکان لە پرۆسەی سیاسی و ئیداریدا و دابینکردنی کورسی کۆتا لە ئەنجوومەنی نوێنەران، لەو هەنگاوانەن کە یەکێتی پشتگیرییان دەکات بۆ مسۆگەرکردنی نوێنەرایەتییەکی دادپەروەرانە.

باسی لەوەشکرد: جەخت لەسەر دابینکردنی خزمەتگوزارییە گشتییەکان بۆ هەمووان بەبێ جیاوازی و پاراستنی مافەکانی پێكهاتە نەتەوەیی و ئایینییەکان و هاندانی پڕۆژەکانی پێکەوەژیان دەکەینەوە.

دابینکردنی بودجەی تایبەت بۆ پڕۆژە کولتوورییەکان

ئیمان عەبدولڕەزاق  كاندیدی ژماره‌ 1 ی لیستی 222  ی یه‌كێتی له‌ بازنه‌ی دهۆک، به‌ وێبسایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند:  بۆچونم وایە بۆ تێپەڕاندنی ئاستەنگەکانی بەردەم پێکەوەژیان، پێویستە یاسا و رێساکان بە شێوەیەک دابڕێژرێن کە گەرەنتی ماف و پارێزگاری لە هەموو پێکهاتەکان بکەن و هەر جۆرە جیاکارییەک کە هەیە قەدەغە بکەن.

ئیمان عەبدولڕەزاق ئاماژەبەوەشدەكات: كە دابینکردنی بودجەی تایبەت بۆ پڕۆژە کولتوورییەکان بە پێویست دەزانم، هەروەها بەشداری پێکردنی زیاتری نوێنەرانی پێکهاتە جیاوازەکان لە پرۆسەی بڕیارداندا بە باش دەزانم، چونکە ئەو وێنەیە دەخاتەڕوو کە پەرلەمانێکی فرەڕەنگ و کارایە و تیایدا هەموو دەنگێک گوێی لێدەگیرێت.

ئەو كاندیدەی یەكێتی لە بازنەی دهۆك ئاماژەی بەوەشدا: كە لە پەیامەكەی سەرۆك بافڵ تاڵەبانی لە كەرنەڤاڵی هەولێر ئەو بنەمایەی جارێكی دیکە دوپاتكردەوە، كە پرسی پێکهاتەكان بە تەنها دروشم و قسە نیە، بەڵكو كردار و بنەمایەكی سەرەكییە لە شێوەی كاركردنی داهاتوو.

یەکێتیی نیشتمانیی کوردستان گرنگی بە پاراستنی مافەکانی پێکهاتانەکان دەدات، لەوانەش مافی نوێنەرایەتیکردن لە پەرلەمان و ئەنجومەنی نوێنەران و دامودەزگا حکومییەکان، پاراستنی زمان و کولتوور و ناسنامەی تایبەتییان و یەکێتی هانی لێبوردەیی و یەکترقبوڵکردن دەدات و هەوڵدەدات کە جیاوازییەکان نەبنە سەرچاوەی ناکۆکی، بەڵکو ببنە خاڵی بەهێزی کۆمەڵگەیەکی فرەڕەنگ و تەبا و نموونەی پێکەوەژیان بە ئاشتییانە.

PUKMEDIA