رێبوار تەها: ئەندەرپاسی رەحیماوا لەئەمساڵدا دەکرێتەوە

راگەیاندنی پارێزگاری کەرکوک

رێبوار تەها لەکاتی بەسەرکردنەوەی پرۆژەکەدا

پارێزگاری کەرکوک رایدەگەیەنێت، لە 80٪ ی کارەکانی پرۆژەی ئەندەرپاسی رەحیماوا تەواو بووە و بڕیارە لەئەمساڵدا بکرێتەوە، راشیدەگەیەنێت: ساڵی داهاتووش ساڵی موفاجەئە دەبێت و هەندێک پرۆژەی گرنگی تێدا جێبەجێدەکەین.

رێبوار تەها پارێزگاری کەرکوک لەمیانی بەسەرکردنەوەی پرۆژەی تونێلی رەحیماوادا رایگەیاند: لە 80٪ ی کارەکانی پرۆژەی تونێلی رەحیماوا تەواو بووە و بڕیارە لەئەمساڵدا بکرێتەوە.

راشیگەیاند: ساڵی داهاتوو ساڵی موفاجەئە دەبێت وهەندێک پرۆژەمان داناوە جێبەجێی بکەین، کە سەرجەمیان پرۆژەی زۆر باش و جیاواز دەبن و دڵنیام خەڵکی کەرکوک پێی دڵخۆش دەبن و پرۆژەی ستراتیجین، هاوکات پرۆژەکان گرنگییەکی زۆریان دەبێت بۆ گەنج و یەکێک لەپرۆژەکانیش دروستکردنی کۆمەڵگەیەکی گەورەی وەرزش-ە لە یاروەلی کە دەبێتە جێگەی دڵخۆشی بۆ وەرزشەوانان.

رێبوار تەها پارێزگاری کەرکوک ئاماژەی بەوەشکرد: لەئێستادا لە گەڕەک و کۆڵانەکان باش چوینەتە پێشەوە، بەجۆرێک ئەو خەڵکانەی بێبەش کرابوون لە ئاو و کارەبا و رێگاوبان پرۆژەکانمان پێگەیاندوون و تەنها رێژەیەکی کەممان ماوە، ئەوانەش جێبەجێدەکەین.

PUKMEDIA