هەولێر.. وەك پاڵپشتییەك بۆ لیستی یەكێتی، 222 گەنج چەند چالاكییەك ئەنجامدەدەن

كوردستانی نوێ

222 گەنج لە هەولێر چەند چالاكییەك ئەنجامدەدەن

لەدرێژەی بەردەوامبوونی بانگەشەی هەڵبژاردنی ئەنجومەنی نوێنەران و بەمەبەستی سەرخستنی لیستی 222ی یەكێتیی نیشتمانیی كوردستان، چەندین چالاكی لەلایەن 222 گەنجی شاری هەولێرەوە ئەنجامدرا.

لەو بارەیەوە ئاسۆ عومەر، یەكێك لە بەشداربوەانی چالاكییەكان رایگەیاند: ئەوەی جێگای خۆشحاڵییە لەم بانگەشەیەدا گەنجانی شاری هەولێر پشتگیری و پشتیوانی خۆیان بۆ لیستی 222ی یەكێتیی نیشتمانیی كوردستان دووپات دەكەنەوە، هەر بۆیە بەبەشداری 222 گەنج چەندین چالاكی بەڕێوەچوو.

وتیشی: ئێمە وەك گەنجانی هەولێر پێمانوایە تاكە لیست كە بتوانێت لە بەغداد بەرگری لە مافەكانی خەڵكی كوردستان بكات، لیستی 222ی یەكێتیی نیشتمانیی كوردستانە، ئەمەش لە رابردوودا بەكردەوە سەلمێندراوە، بۆیە لەم هەڵبژاردنەدا رێژەیەكی زۆری گەنجانی هەولێر دەنگیان بۆ لیستی 222 ە.

راشیگەیاند: هەر بەو بۆنەوە چالاكییەكانی گەنجان لە شاری هەولێر بەردەوام دەبێت، تاكو هەموو خەڵكی كوردستان بگەن بەو باوەڕەی هەر لیستی 222ی یەكێتیی نیشتیمانیی كوردستانە دەتوانێت لە هەموو خۆشی و ناخۆشییەك لەگەڵ میللەتەكەیدابێت و نوێنەرایەتی خەڵك بكات.

PUKMEDIA كوردستانی نوێ