هەرێم کەمال ئاغا: جیاکاری حکومەت شارەکانی تێپەڕاندووەو گەیشتووەتە گەڕەکەکان

PUKMEDIA

هەرێم کەمال ئاغا

حکومەتی هەرێم جیکاری دەکات لەگەیاندنی خزمەتگوزاری بە شارەکان و لەئێستادا جیاکارییەکان تەنانەت گەڕەکەکانی هەولێریشی گرتوەتەوە، لەو بارەیەشەوە سەرۆکی لیستی 222ی یەکێتیی نیشتمانیی کوردستان لە بازنەی هەولێر دەڵێت: ئەم جیاکارییە جێگای قبوڵکردن نییەو ئێمە وەک یەکێتیی نیشتمانیی کوردستان، دەمانەوێت حکومەتی داهاتوو ئەم قۆناغە تێپەڕێنێت.

هەرێم کەمال ئاغا سەرۆکی لیستی 222ی یەکێتیی نیشتمانیی کوردستان لە بازنەی هەولێر لە چاوپێکەوتنێکی PUKMEDIA دا رایگەیاند: جیاکارییەکی زۆر لەلایەن حکومەتی هەرێمی کوردستانەوە هەیە بۆ گەیاندنی خزمەتگوزرییەکان، بەجۆرێک جیاکارییەکە نێوانی شارەکانی تێپەڕاندوەو هەر لەناو هەولێریشدا گەڕەکەکانی گرتوەتەوەو هەندێک گەڕەک بەبیانوی نیشتەجێبونی فڵان کەس و ماڵی فڵان کەس خزمەتگوزاری پێناگات.

وتیشی: حکومەت دەبێت حکومەتی خەڵک بێت، نەک حکومەتی حزب، بۆیە ئەم جیاکارییە جێگای قبوڵکردن نییەو ئێمە وەک یەکێتیی نیشتمانیی کوردستان، دەمانەوێت حکومەتی داهاتوو ئەم قۆناغە تێپەڕێنێت و حکومەتێک بێت لە خزمەتی خەڵکدا بێ جیاوازی حزب و لایەن بۆ گەیاندنی خزمەتگوزارییەکان.

PUKMEDIA