مەکتەبی سکرتارییەت: شان بەشان خزمەت دەکەین بۆ سەرخستنی لیستی 222 یەکێتی

مەکتەبی سکرتارییەت

مەکتەبی سکرتارییەت و شاڵاو شێخ سەڵاح ئەندامی سەرکردایەتی

رۆژی 29ی10ی2025، مەکتەبی سکرتارییەتی سەرۆک مام جەلال لە شاری کۆیە سەردانی شاڵاو شێخ سەڵاح ئەندامی سەرکردایەتی یەکێتیی نیشتمانیی وکوردستان لێپرسراوی بازنەی هەڵبژاردنی کۆیە یانکرد .

لەو سەردانەدا ؛ مەکتەبی سکرتارییەتی سەرۆک مام جەلال پێزانییان دەربڕی بۆ رۆڵی سەرکەوتووانەی هەڤاڵان  شاڵاو شێخ سەڵاح ، تەحسین نامیق (سەرپەرشتیارانی بازنەی هەڵبژاردنی کۆیە و هەڤاڵانی رێکخستن و ئۆرگانە جیاجیاکان ) کە هەنگاوەکانیان بە ئاڕاستەی خزمەتکردنی سەرجەم چین و توێژەکانی کۆیەو دەوربەرییەتی لەم رووەوە مەکتەبی سکرتارییەت پاڵپشتی زیاتری خۆیان بۆ هەڤاڵ شاڵاو و بازنەی هەڵبژاردنی کۆیە دووپات کردەوە و جەختیان کردەوە شان بەشان خزمەت دەکەین بۆ سەرخستنی لیستی 222یەکێتیی نیشتمانیی کوردستان .

لای خۆیەوە،شاڵاو شێخ سەلاح سوپاسی مەکتەبی سکرتارییەتی سەرۆک مام جەلال ـی کرد بۆ پشتیوانی و پاڵپشتیان ؛ رایگەیاند ، بە گرنگییەوە لە بەسەرکردنەوەی تێکۆشەرانی کوردایەتی و شۆڕشی نوێ دەڕوانن کە 
ئەندامانی مەکتەبی سکرتارییەت بەو ئەرک و خزمەتکردنە هەڵدەستن بۆ زیندوهێشتنەوەی بەشێکی کاراو کاریگەریی مێژووی شۆڕشی نوێ .

PUKMEDIA