قوباد تاڵەبانی: یەكێتی و سەرۆكەكەی خاوەنی بەڵێنی خۆیانن

نوسینگەی رۆژنامەوانی قوباد تاڵەبانی

قوباد تاڵەبانی سەرپەرشتیاری بازنەی هەولێری لیستی 222ی یەكێتیی نیشتمانیی كوردستان

قوباد تاڵەبانی رایدەگەیەنێت: یەكێتی و سەرۆكەكەی خاوەنی بەڵێنی خۆیانن و لە بەغداددیش بەڵێنەكانی جێبەجێ دەكەین و دڵنیایش دەدەینە خەڵك كە رۆژێك لەرۆژان پەشیمان نابنەوە لە دەنگدان بەم یەكێتییەی ئێستا.

قوباد تاڵەبانی سەرپەرشتیاری بازنەی هەولێری لیستی 222ی یەكێتیی نیشتمانیی كوردستان بۆ هەڵبژاردنی ئەنجومەنی نوێنەرانی عیراق، لە كۆبوونەوەی لەگەڵ هەڤاڵانی بازنەكانی چۆمان و حاجی ئۆمەران رایگەیاند: یەكێتی و سەرۆكەكەی بەوە دەناسرێنەوە كە خاوەنی بەڵێنی خۆیانن و هەر بەڵێنێك بدەن جێبەجێی دەكەن. بەڵێنماندا كار دەكەین بەغداد دان بە پارێزگای هەڵەبجەدا بنێت و كردمان. بەڵێنماندا رێگەنادەین بە یاسا كۆنەكە هەڵبژاردنی پەرلەمانی كوردستان بەڕێوەبچێت و كردمان. بەڵێنماندا پارێزگارێكی كوردی خزمەتگوزار بۆ كەركوك دادەنێین و كردمان. بەڵێنماندا هاوسەنگیی هێز دەگەڕێنینەوە و كردمان. بەڵێنماندا حكومەتی هەرێم پێكنایەت بەبێ هاوبەشیی راستەقینە و بەبێ ئەوەی دڵنیابین كە حكومەتێكی دادپەروەر و خزمەتگوزار دەبێت، تا ئێستا لەسەر ئەو بەڵێنە ماوین.

جەختشیكردووە: هەرچی دەنگی ناڕازییە لە راستیدا دەنگی رەسەنی یەكێتییە، بۆیە داواتان لێدەكەم لەم ماوەیەدا پەیوەندیی بە یەك بە یەكی خەڵكی ناڕازییەوە بكەن و قەناعەتییان پێ بهێنن كە یەكێتی خاوەنی بەڵێنی خۆیەتی و دڵنیایان بكەنەوە كە یەكێتی لە بەغداد بەڵێنەكانی جێبەجێ دەكات. دڵنیایان بكەنەوە كە رۆژێك لە رۆژان پەشیمان نابنەوە لە دەنگدان بەم یەكێتییەی ئێستا.

PUKMEDIA