حاکم قادر: دەنگدان بە 222 دەنگدانە بە گەیشتن بە ئامانجەکان

PUKMEDIA

حاکم قادر لەسەردانی کۆمەڵەی پێشمەرگە دێرینەکان

حاکم قادر حەمە جان سەردانی كۆمەڵەی پێشمەرگە دێرینەكانی یەكێتیی نیشتیمانیی كوردستانی كرد و بە گەرمی بەخێرهاتن کرا، ئەو ستایشی کۆمەڵەکەی کرد وتی: پێشمەرگە ناوێكی پیرۆز و پڕشنگدارە لە مێژووی بزوتنەوەی رزگاریخوازی گەلەكەماندا و کۆمەڵەی پێشمەرگە دێرینەکانیش هێندەی توانیبێتی رۆڵی گەورەی بینیوە لە خزمەتکردنی پێشمەرگەدا.

حاکم قادر حەمەجان لەو دیدارەدا باسی لە هەڵبژاردنی ئەنجومەنی نوێنەرانی عیراقی کرد و وتی: دەنگدان بە لیستی یەكێتی دەنگدانە بە داكۆكی و پارێزگاری لە مافە دەستوریەكان و مافی چارەی خۆنوسین بۆ گەلی كوردستان.

لە دیدارەکەدا وتیشی: یەكێتیی نیشتیمانیی كوردستان تەنیا حزب بووە كە دروشمی مافی چارەنوسی ھەڵگرتووە و لەو پێناوەدا  شەھید و قوربانی زۆری داوە.

حاکم قادر راشیگەیاند: بە خەباتی سیاسی و دیبلۆماسی و دیالۆكی جدی هەوڵدان بۆ جێبەجێكردنی مادەی 140 وەك مادەیەكی دەستوری، دەتوانین پارێزگاری لە كەركوك و شوێنە كوردستانیەكان بكەین.

PUKMEDIA