رفعەت عەبدوڵڵا: یەکێتی هێزی راستەقینەی دەنگدەرەکانی دەبێت لە بەغداد

نوسینگەی ڕاگەیاندنی جێگری سەرۆکی (ی.ن.ک)

رفعەت عەبدوڵڵا

جێگری سەرۆکی یەکێتیی نیشتمانیی کوردستان لە لەگەڵ ئەنجومەنی کۆمەڵگە نیشتەجێیەکانی سلێمانی کۆبوەوە و رایگەیاند: یەکێتی هێزی راستەقینەی دەنگدەرەکانی دەبێت لە بەغداد و هەمیشە بەڵێن و بانگەشەکانی دەکاتە کردار.

دەقی راگەیەندراوی کۆبوونەوەی جێگری سەرۆکی یەکێتیی نیشتمانیی کوردستان و ئەنجومەنی کۆمەڵگە نیشتەجێیەکانی سلێمانی:

هەڤاڵ ڕفعەت عەبدوڵا جێگری سەرۆکی یەکێتیی نیشتمانیی کوردستان، لەگەڵ (ئەنجومەنی کۆمەڵگە نیشتەجێیەکانی سلێمانی) کۆبوەوەو سوپاسی پەرۆشی سەرجەم هەڤاڵانی کرد کەپێشمەرگانە بۆ سەرکەوتنی لیستی ٢٢٢ لەم وێستگە دیموکراسیەدا ئەرکدارکراون و جەختی کردەوە یەکێتی پاڵپشتی ڕەوای دەنگدەران دەکاتە هێزی ڕاستەقینەی میللەتەکەمان لەبەغداد.

هەڤاڵ جێگری سەرۆک، باسی لەوەکرد یەکێتی هەمیشە بەڵێن و دروشمەکانی دەکاتە کردارو ئەمەش بووەتە هۆی ئەوەی میللەتەکەمان متمانەیان بەیەکێتی هەبێت و چارەسەرکردنی کێشەو بەدیهێنانی مافەکانیان بەو دەسپێرن.

نوسینگەی ڕاگەیاندنی جێگری سەرۆکی (ی.ن.ک)

PUKMEDIA