riklam

قوباد تاڵەبانی: ستراتیژی یەکێتی چارەسەرکردنی بنەڕەتی کێشەی بودجەو مووچەیە

کوردستان 01:33 PM - 2025-10-26
قوباد تاڵەبانی لەگەڵ هەڤاڵانی بازنەی 24ی پیشەوەران و کاسبکاران راگەیاندنی قوباد تاڵەبانی

قوباد تاڵەبانی لەگەڵ هەڤاڵانی بازنەی 24ی پیشەوەران و کاسبکاران

لیستی 222ی یەکێتیی نیشتمانیی کوردستان قوباد تاڵەبانی

قوباد تاڵەبانی رایگەیاند: سەرکەوتنی یەکێتی لەم هەڵبژاردنە یارمەتیدەرە بۆ گەڕاندنەوەی سەقامگیریی دارایی بۆ بازاڕی کوردستان، چونکە ستراتیژی یەکێتی چارەسەرکردنی بنەڕەتی کێشەی بودجە و مووچەیە.

قوباد تاڵەبانی لەپەڕەی تایبەتی خۆی لە فەیسبوک رایگەیاندووە: هات و نەهاتی مووچە و نەبوونی بودجە و ئەو ناسەقامگیرییە داراییەی ساڵانێکە بەرۆکی کوردستانی گرتووە، زیانی نەک هەر بە مووچەخۆران، بەڵکو بە کاسبکاران و پیشەوەران و کاسبکارانی بازاڕ و هەموو چین و توێژەکان گەیاندووە، پیشەوەران و کاسبکاران و خەڵکی بازاڕ دەبێت لە خۆیان بپرسن کێ هۆکاری ئەم ناسەقامگیرییە داراییەیە و کام لایەنیش هەوڵی داوە بە رێککەوتن لەگەڵ بەغدا سەقامگیریی دارایی بۆ کوردستان بگەڕێنێتەوە.

ئەوەشی وتووە: لەگەڵ هەڤاڵانی بازنەی 24ی پیشەوەران و کاسبکاران روونم کردەوە کە سەرکەوتنی یەکێتی لەم هەڵبژاردنەدا یارمەتیدەرە بۆ گەڕاندنەوەی سەقامگیریی دارایی بۆ بازاڕی کوردستان، چونکە ستراتیژی یەکێتی چارەسەرکردنی بنەڕەتی کێشەی بودجە و مووچەیە و رێگە نادات چیتر چین و توێژە جیاوازەکانی کوردستان باجی سیاسەتی هەڵەی لایەنی دیکە بدەن.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket