ڕفعەت عەبدوڵڵا: زانکۆکان رۆڵێکی ژیاری لە ئایندەسازی وڵاتدا دەگێڕن

نوسینگەی راگەیاندنی جێگری سەرۆکی (ی.ن.ک)

وێنەیەکى کۆبوونەوەکە

لەمیانی پێشوازی کردن لە بەشێک لە مامۆستایانی زانکۆی پۆلیتەکنیکی سلێمانی، ڕفعەت عەبدوڵڵا، باسی لە رۆڵی زانکۆ و ناوەندە ئەکادمیەکان کرد، کە رۆڵێکی ژیاری لە گەشەپێدانی نیشتمان و ئایندەسازی وڵاتدا دەگێڕن.

جێگری سەرۆکی یەکێتی، ئاماژەی بۆ گرنگی زانکۆکان کرد و پەیوەندی نێوان کۆمەڵگە و زانکۆی بە مەرجێکی سەرەکی پێشکەوتنی هەر وڵاتێک وەسفکرد، کە ئەمڕۆ لە سەرتاسەری جیهاندا ململانێ و پێشبڕکێ و داهێنان و پێشکەوتنەکان بە توێژینەوە و لێکۆڵینەوەی زانکۆکان بەڕێوەدەچێت.

بەشێکی دیکەی کۆبونەوەکە سەرنج و بۆچونی مامۆستایان بوو، دەربارەی رەوشی خوێندنی باڵا و دۆخی گشتی.

PUKMEDIA