ڕفعەت عەبدوڵڵا: هونەرمەندان شوناسی مەعنەوی نەتەوەکەمانن

نوسینگەی راگەیاندنی جێگری سەرۆکی (ی.ن.ک)

وێنەیەکى دیدارەکە

ڕفعەت عەبدوڵڵا جێگری سەرۆکی یەکێتیی نیشتمانیی کوردستان، لە دوو دیداری جیاوازدا پێشوازی لە (لقی سلێمانی، سەندیکای هونەرمەندانی کوردستان و بەشی کەلەپور و تیپی هونەری میللی سلێمانی) کرد و رایگەیاند: کۆمەڵە و سەندیکا هونەرییەکان، بایەخێکی گرنگیان لای یەکێتی هەیە و هونەرمەندانیش، لە پێشکەوتنی وڵاتەکەماندا کاراییەکی راستەوخۆیان هەیە.

لە کۆبونەوەکەدا کە شاڵاو عەلی عەسکەری ئەندامی مەکتەبی سیاسی، ئامادەیبوو، جێگری سەرۆکى یەکێتى، باسی لەوەکرد: لە هەموو کۆمەڵگەیەکدا پشتیوانی هونەر و بابەتە فەرهەنگیەکان ئەرکی حکومەت و دامەزراوە رۆشنبیری و کلتورییەکانە، هاوکات هونەرمەندانی بە شوناسی مەعنەوی نەتەوە وەسفکرد و وەک هەمیشە پشتیوانی و هاریکاری یەکێتی، بۆ هونەرمەندان بێ جیاوازی دووپاتکردەوە و هونەرمەندانیش بەڵێنیاندا بە گڕوتینەوە لە پشتیوانی و سەرخستنی لیستی (٢٢٢ ی.ن.ک) بەشداربن.

PUKMEDIA