قوباد تاڵەبانی: حكومەتی هاووڵاتیمان دەوێت نەك حزب

PUKMEDIA

قوباد تاڵەبانی

قوباد تاڵه‌بانی له‌میانه‌ی به‌شداریكردنی له‌هه‌ڵمه‌تی بانگه‌شه‌ی هه‌ڵبژاردنی لیستی 222ی یه‌كێتی رایگه‌یاند: پێداگرین له‌سه‌ر ئه‌وه‌ی حكومه‌تی نوێ، حكومه‌تی هاووڵاتی بێت نه‌ك حزب، چونكه‌ ده‌مانه‌وێت خزمه‌تی خه‌ڵك بكه‌ین نه‌ك شه‌ڕ‌ی پۆست.

قوباد تاڵه‌بانی سه‌رپه‌رشتیاری بازنه‌ی هه‌ولێری هه‌ڵبژاردنی یه‌كێتیی نیشتمانیی كوردستان ژماره‌ 222، له‌ لێدوانێكی تایبه‌تدا بۆ PUKMEDIA رایگه‌یاند: هیوادارم گه‌نجان به‌شدارێكی كارای پرۆسه‌ی سیاسی به‌گشتی و ئه‌م هه‌ڵبژاردنه‌ به‌تایبه‌ت بن و ده‌نگبده‌ن به‌ یه‌كێتی، چونكه‌ ته‌نها لیستی 222ی یه‌كێتی له‌ رابردوو له‌ئێستاشدا توانیویه‌تی كار بۆ گه‌نجان بكات.

وتیشی: پێداگرین له‌سه‌ر پێكهێنانی حكومه‌تی داهاتووی هه‌رێمی كوردستان، به‌ڵام گرنگه‌ حكومه‌تێكی خزمه‌تكاری كۆمه‌ڵانی خه‌ڵكی هه‌رێمی كوردستان بێت و جیاوازی نه‌كات له‌نێوان شاره‌كاندا، له‌م روانگه‌یه‌شه‌وه‌ یه‌كێتی پێداگره‌ له‌سه‌ر ئه‌وه‌ی حكومه‌تی داهاتووی هه‌رێمی كوردستان، حكومه‌تی هاووڵاتی بێت نه‌ك حزب، چونكه‌ ده‌مانه‌وێت خزمه‌تی خه‌ڵك بكه‌ین نه‌ك شه‌ڕ‌ی پۆست.

PUKMEDIA