ڕفعەت عەبدوڵا بۆ زانکۆی سلێمانی: پیرۆزەو متمانەمان بەتواناو لێهاتوییتانە

PUKMEDIA

زانکۆی سلێمانی

ڕفعەت عەبدوڵا جێگری سەرۆکی یەکێتیی نیشتمانیی کوردستان لە پەیامێکیدا پیرۆزبایی ساڵرۆژی دامەزراندن لە زانکۆی سلێمانی دەکات و رایدەگەیەنێت: زانکۆی سلێمانی کانگای پێگەیاندنی چەندین نەوەی کوڕو کچی کوردەوارییە بەزانست و پێشکەوتن و مەعریفە".

دەقی پەیامەکە....

بەگەرمی پیرۆزبایی لەزانکۆی سلێمانی (زانکۆی دایک)و سەرۆکایەتی زانکۆو سەرجەم مامۆستایان و فەرمانبەران و خوێندکارانیان دەکەم، بەبۆنەی ساڵرۆژی دامەزراندنیانەوە لە١٩٦٨/١٠/٢٣.

زانکۆی سلێمانی جگە لەوەی کانگای پێگەیاندنی چەندین نەوەی کوڕو کچی کوردەوارییە بەزانست و پێشکەوتن و مەعریفە، کەئێستا لەدامەزراوەکانی وڵاتەکەماندا خزمەت دەکەن، لەڕابردوشدا سەنگەری بەگژاچونەوەی دوژمنان و داگیرکەران بووە، هەر بۆیە لەسەرەتاوە زانکۆی سلێمانی، بووە چقڵی چاوی دوژمنان و ڕژێمی به‌عسی فاشی، بڕیاری گواستنەوەی زانکۆی سلێمانیدا بۆ شاری ھەولێر.

لەیادی دامەزراندنتاندا، هەمیشە پشتیوان و هاوکارتانین و متمانەمان بەتواناو لێهاتوییتان هەیە لەپێشکەوتنی کایەی خوێندنی باڵاو گەشەکردنی زانست و پێشکەوتندا.

ساڵیادتان پیرۆزەو هەمیشە نمونەی باڵای زانستخوازی و گەشەسەندنی فەرهەنگی و پێشڕەوی بواری داهێنان و پێشکەوتن بن.

PUKMEDIA