قوباد تاڵەبانی: خەڵك لە کوێ بن، یەکێتی لەوێ دەبێت

راگەیاندنی قوباد تاڵەبانی

قوباد تاڵەبانی، سەرپەرشتیاری بازنەی هەولێری لیستی 222ی یەکێتیی نیشتمانیی کوردستان

قوباد تاڵەبانی، سەرپەرشتیاری بازنەی هەولێری لیستی 222ی یەکێتیی نیشتمانیی کوردستان بۆ هەڵبژاردنی خولی شەشی ئەنجومەنی نوێنەرانی عیراق  لە کۆبوونەوەیدا لەگەڵ هەڤاڵانی بازنەی 7ی سکتان لە کۆیە رایگەیاند لە سێ ساڵی رابردوو زۆر هەنگاوی گەورەی ناوە و بە نیازە زۆر هەنگاوی گەورەی دیکەش بنێت.

قوباد تاڵەبانی لە میانەی وتەیەکیدا داوای لەهەڤاڵانی یەکێتی کرد بە شانازییەوە بچنە ناو خەڵک و بانگەشە بۆ سەرخستنی حیزبەکەیان بکەن، چونکە یەکێتی بە سەرۆکایەتیی سەرۆک بافڵ وەک یەکێتییەکەی سەردەمی شۆڕش و وەک یەکێتییەکەی سەردەمی سەرۆک مام جەلال بووەتەوە بە حیزبی هەموو کۆمەڵانی خەڵکی کوردستان، خەڵک چی بوێت، یەکێتیش ئەوەی دەوێت.

راشیگەیاند: یەکێتی لە سێ ساڵی رابردوو زۆر هەنگاوی گەورەی ناوە و بە نیازە زۆر هەنگاوی گەورەی دیکەش بنێت. یەکێتی و سەرۆک بافڵ پێداگرن کە خەڵک لە کوێ بن، یەکێتی لەوێ دەبێت.

قوباد تاڵەبانی ئاماژەی بەوەشکرد: سەرکەوتن لەم هەڵبژاردنەشدا یەکێتی زیاتر دەکاتەوە بە حیزبی خەڵک، هەربۆیە هەڤاڵان لەم ماوەیەدا دەبێت هەموو وزە و توانای خۆیان بخەنەگەڕ بۆ سەرخستنی لیستی یەکێتی.

PUKMEDIA