دەزگای ئاسایشی هەرێم دوو بازرگانی ماددەی هۆشبەری دەستگیرکرد

راگەیاندنی دەزگای ئاسایشی هەرێم

دەزگای ئاسایشی هەرێم

دەزگای ئاسایشی هەرێم دەستگیرکردنی دوو باززرگانی ماددەی هۆشبەری لەسنووری ئیدارەی راپەڕین و دەستبەسەرداگرتنی بڕی چوار کیلۆگرام کریستاڵی راگەیاند.

ئەمڕۆ 19ی 10ی 2025 دەزگای ئاسایشی هەرێم لە راگەیەندراوێکدا ئاماژەی بەوەکردووە: هەریەکە لە بەڕێوەبەرایەتی ئاسایشی ڕاپەڕین و بەڕێوەبەرایەتی گشتی نەهێشتنی ماددە هۆشبەرەکان توانیویانە دوو بازرگانی ماددەی هۆشبەر دەستگیربکەن و دەستیش بەسەر بڕی چوار کیلۆ گرام ماددەی هۆشبەر لەجۆری کریستاڵ و 750 دەنک حەبی ترامادۆڵدا بگرن.

لەراگەیەندراوەکەی دەزگای ئاسایشی هەرێمدا ئاماژە بەوەکراوە: بازرگانەکان لە شەوی 13ی 10ی 20252دا دەستگیرکراون و لە ئێستادا بەبڕیاری دادوەر و بەپێی ماددەی 26ی یاسای بەرەنگاربوونەوەی مادە هۆشبەرەکان و کارتێکارە ئەقڵییەکان راگیراون و لێکۆڵینەوە لە دۆسییەکەیان بەردەوامە.

PUKMEDIA