جێگری سەرۆکی هەرێم و باڵیۆزی ئوسترالیا: پەیوەندییەکان پەرەی زیاتری پێبدرێت

راگەیاندنی جێگری سەرۆکی هەرێم

جێگری سەرۆکی هەرێمی کوردستان و باڵیۆزی ئوسترالیا لە عیراق

ئەمڕۆ یەکشەممە 19ی10ی2025، شێخ جەعفەر شێخ مستەفا جێگری سەرۆکی هەرێمی کوردستان پێشوازی لە گلێن مایڵز باڵیۆزی ئوسترالیا لە عیراق و وەفدێکی یاوەری کرد.

لە کۆبوونەوەکەدا، باس لە په‌يوه‌ندييه‌كانى هەرێمی کوردستان و عیراق لەگەڵ ئوسترالیا کرا، کە تیایدا گرنگیی بەردەوامی و فراوانکردنی پەیوەندییەکان لە هەموو بوارەکاندا، دووپات کرایەوە، هەروەها دۆسیەی چاکسازیی و ‏یەکخستنەوەی پێشمەرگە و پرۆسەی چاوەڕوانکراوی هەڵبژاردنی ئەنجومەنی نوێنەرانی عیراق، تاوتوێ کران.

سەبارەت بە کێشە و گیروگرفتەکانی هەولێر ـ بەغدا کە تەوەرێکی دیکەی نێو کۆبوونەوەکە بوو، جەخت لە بەردەوامبوونی گفتوگۆ و دانوستاندنەکان و چارەسەرکردنی کێشەکان بەپێی دەستوور، کرایەوە.

سەبارەت بە ڕەوشی ناوخۆ و پرۆسەی پێکهێنانی کابینەی نوێی حکوومەت، هەردوولا بە بایەخەوە لە پێویستیی یەکڕیزیی نێوان لایەنە سیاسییەکانی هەرێمی کوردستانیان ڕوانی، لەپێناو سەرخستنی پرۆسەکەدا.

PUKMEDIA