کۆمسیۆن: سەرپێچییەکانی بانگەشەی هەڵبژاردن گەیشتە 400 حاڵەت

PUKMEDIA

کۆمسیۆنی باڵای سەربەخۆی هەڵبژاردنەکان

کۆمسیۆنی باڵای هەڵبژاردن، رایدەگەیەنێت: ژمارەی ئەو سەرپێچیانەی لەماوەی بانگەشەی هەڵبژاردن هەتا ئێستا تۆمار کراون، گەیشتە 400 حاڵەت.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکان لە لێدوانێکدا بۆ PUKMEDIA، رایگەیاند: ژمارەی ئەو سەرپێچییانەی لەلایەن کۆمسیۆنی هەڵبژاردنەوە لەسەر کاندید و دروشمی لیست و هاوپەیمانێتییەکان تۆمارکراوە لەماوەی بانگەشەی هەڵبژاردن بۆ ئەنجومەنی نوێنەرانی عیراق، کە بەپێی بڕیارەکانی ئەنجومەنی کۆمسیاران سزادان دەیانگرێتەوە، گەیشتە 400 حاڵەت.

ئاماژەی بەوەشکرد: سەرپێچییەکان بەسەر هەردوو رەگەزدا لە کاندیدان دابەشبوون، کە پیاوان 291 سەرپێچی و ژنانیش 49 سەرپێچی بووە، هاوکات 60 سەرپێچیش لە دروشمەکانی لیست و هاوپەیمانێتییەکاندا لەپێش هەڵمەتی هەڵبژاردن هەیە.

ئەمەش لەکاتێکدایە لە هەفتەی رابردوو سەرپێچییەکان 291 حاڵەت بوون و لەم هەفتەیەدا بۆ 400 حاڵەت زیادی کردووە

PUKMEDIA