قسەکانی هێمن هەورامی نوکتەی سیاسین و حسابی لەسەر نییە

PUKMEDIA

بۆردی راگەیاندنی یەکێتی

بەشی هەڵسەنگاندن و چاودێری بۆردی راگەیاندنی یەکێتیی نیشتمانیی کوردستان وەڵامی وتەکانی هێمن هەورامی دەداتەوەو رایدەگەیەنێت: نوکتەی سیاسین و حسابی لەسەر نییە".

لە راگەیەندراوێکی بەشی هەڵسەنگاندن و چاودێری بۆردی راگەیاندنی یەکێتیدا هاتووە: هێمن هەورامی دەیەوێت بەو قسانە تەنها دڵی خۆی خۆش بکات، ئەگینا خۆی باش دەزانێت، کە هیچ کەسێک نەک بڕوا بەقسەکانی ناکات، بەڵکو هاوشێوەی قسەکانی دیکەی  تەنها وەکو نوکتەی سیاسی گوێی لێ دەگرن و پاشان بۆ ناو ئەرشیفی نوکتە سیاسییەکان هەڵدەگیرێت.

ئەوەش هاتووە: بۆ ئێمەش دەرفەتێکە کە لە رێگەی  نوکتە تازەکەیەوە جارێکی دیکە گوێبیستی نوکتەکەی پێشوی بین، کاتێک لەسەر شاشەی کەناڵێکی ئاسمانییەوە دەستی بۆ وڵاتە ئیقلیمییەکان رادەکێشا و هەڕەشەی ئەوەی دەکرد کە ئەگەر هێزەکانی وڵاتانی ئیقلیمی یەک بست، تەنها یەک بست بێنە ناو خاکی هەرێمی کوردستانەوە سەریان پان دەکەینەوە، بۆیە خەڵکی کوردستان راهاتوون لەگەڵ هەڕەشە ناجددی و نوکتە سیاسییەکانی هێمن هەورامی لەبەر ئەوە پێویست ناکات وەڵامی ئەو جۆرە قسانە بدەینەوە، کەبەلای ئێمەوە هیچ حسابێکی لەسەر نییەو تەنها بۆ خۆشی گوێی لێ دەگرین.

PUKMEDIA