کۆمسیۆن 292 سەرپێچی بانگەشەی هەڵبژاردنی تۆمارکردووە

PUKMEDIA

کۆمسیۆنی باڵای سەربەخۆی هەڵبژاردنەکان

کۆمسیۆنی باڵای هەڵبژاردن، رایدەگەیەنێت: ژمارەی ئەو سەرپێچیانەی لەماوەی بانگەشەی هەڵبژاردن هەتا ئێستا تۆمار کراون، زیاترە لە 292 حاڵەت.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکان لە لێدوانێکدا بۆ PUKMEDIA، رایگەیاند: ژمارەی ئەو سەرپێچییانەی لەلایەن کۆمسیۆنی هەڵبژاردنەوە لەسەر کاندید و دروشمی لیست و هاوپەیمانێتییەکان تۆمارکراوە لەماوەی بانگەشەی هەڵبژاردن بۆ ئەنجومەنی نوێنەرانی عیراق، کە بەپێی بڕیارەکانی ئەنجومەنی کۆمسیاران سزادان دەیانگرێتەوە، زیاترە لە 292 حاڵەت.

ئاماژەی بەوەشکرد: سەرپێچییەکان بەسەر هەردوو رەگەزدا لە کاندیدان دابەشبوون، کە پیاوان 149 سەرپێچی و ژنانیش 42 سەرپێچی بووە، هاوکات 56 سەرپێچیش لە دروشمەکانی لیست و هاوپەیمانێتییەکاندا هەیە.

PUKMEDIA