سه‌رۆك بافڵ له‌به‌غداده‌ بۆ ناردنی مووچه‌ی دوومانگ به‌زووترین كات

PUKMEDIA

سەرۆک بافڵ

سه‌رۆك بافڵ بۆ خه‌رجكردنی مووچه‌ی مانگه‌كانی ئاب و ئه‌یلول له‌به‌غداده‌و ئه‌ندامێكی لیژنه‌ی دارایش له‌ئه‌نجومه‌نی نوێنه‌رانی عیراق ده‌ڵێت: به‌هه‌وڵی سه‌رۆك بافڵ و ئه‌و رێككه‌وتنه‌ی كه‌له‌ نێوان هه‌ردوو حكومه‌تی هه‌رێم و فیدراڵدا هه‌یه‌ كه‌ بێگومان ئه‌ویش به‌هه‌وڵی سه‌رۆك بافڵ بووه‌، هیچ مووچه‌یه‌كی ئه‌مساڵی مووچه‌خۆرانی هه‌رێم نافه‌وتێت.

د. نه‌رمین مه‌عروف ئه‌ندامی لیژنه‌ی دارایی له‌ئه‌نجومه‌نی نوێنه‌رانی عیراق، به‌وێبسایتی ره‌سمی یه‌كێتیی نیشتمانیی كوردستنان PUKMEDIA  ی راگه‌یاند: له‌ئێستادا سه‌رۆك بافڵ له‌ به‌غداده‌ بۆ پرسی ناردنی مووچه‌ی مانگه‌كانی ئاب و ئه‌یلول به‌زووترین كات، بۆ ئه‌وه‌ی مووچه‌ی مووچه‌خۆرانی هه‌رێم له‌گه‌ڵ عیراقدا رێكبكرێته‌وه‌و له‌داهاتوودا سه‌رجه‌م مووچه‌خۆرانی عیراق به‌هه‌رێمی كوردستانیشه‌وه‌ له‌یه‌ك كاتدا مووچه‌ وه‌ربگرن.

راشیگه‌یاند: به‌پێی ئه‌و رێككه‌وتنه‌ش كه‌له‌نێوان هه‌ردوو حكومه‌تی هه‌رێم و فیدراڵدا كراوه‌، هیچ مووچه‌یه‌كی ئه‌مساڵی مووچه‌خۆرانی هه‌رێم نافه‌وتێت و دابه‌شكردنی مووچه‌ به‌رده‌وامی ده‌بێت هه‌تا ئه‌و كاته‌ی یاسایه‌كی نوێی بودجه‌ له‌په‌رله‌مانه‌وه‌ په‌سه‌ند ده‌كرێت، چونكه‌ هه‌رێمی كوردستان سه‌رجه‌م ئه‌و خاڵانه‌ی له‌ناو رێككه‌وتنه‌كه‌دا هه‌یه‌، جێبه‌جێكردوه‌و هیچ هۆكارێك نییه‌ بۆ نه‌ناردنی مووچه‌ی مووچه‌خۆرانی هه‌رێم.

ئه‌ندامه‌كه‌ی لیژنه‌ی دارایی ته‌ئكیدیشیكرده‌وه‌: له‌سه‌ردانه‌كه‌ی ئه‌مجاره‌ی سه‌رۆك بافڵدا بۆ به‌غداد یه‌كێك له‌پرسه‌كان كه‌ له‌گه‌ڵ سه‌رۆكوه‌زیرانی عیراق تاوتوێیكردوه‌، پرسی رێككردنه‌وه‌ی مووچه‌و ناردنی مووچه‌ی مانگه‌كانی ئاب و ئه‌یلول بووه‌و چاوه‌ڕوانده‌كرێت به‌زووترین كات مووچه‌ی مانگی ئاب و پاشانیش ئه‌یلول بنێدرێت، هاوكات مووچه‌ی مانگه‌كانی 10و 11و 12ه‌ش هه‌ر له‌مساڵدا دابه‌شبكرێت و به‌مه‌ش مووچه‌ی هیچ مانگێكی ئه‌مساڵ نافه‌وتێت.

PUKMEDIA