ڕفعەت عەبدوڵڵا: یەکێتی بە سیاسەتێکی نیشتمانیانە دەچێتە بەغداد

راگەیاندنی جێگری سەرۆکی یەکێتی

ڕفعەت عەبدوڵڵا و سەرکەوت زەکی و تەلار لەتیف

ڕفعەت عەبدوڵڵا جێگری سەرۆکی یەکێتیی نیشتمانیی کوردستان، لەهۆڵی شەهید ئارام لەمەڵبەندی سلێمانی، لەکۆبونەوەیەکی فراواندا گەڵ سەرجەم سەرپەرشتیارانی یاسایی و نوێنەرانی یاسایی ناوەندی کاروباری یاسایی لەبازنەکاندا، کۆبوەوەو تیشکی خستەسەر جێبەجێکردنی بانگەشەیەکی دروست و یەکێتیانە بۆ سەرخستنی لیستی 222 یەکێتیی نیشتمانیی کوردستان.

لەکۆبونەوەکەدا کەهەریەک لەهەڤاڵان سەرکەوت زەکی و تەلار لەتیف، ئەندامانی مەکتەبی سیاسی ئامادەی بوون، جێگری سەرۆک، وتارەکەی سەرۆک بافڵی لەدەسپێکی بانگەشەدا، کردە دەروازەی قسەکانی و باسی لەوەکرد کەیەکێتی بۆ جێبەجێکردنی ئەرکە قورسەکانی کوردایەتی هەمیشە بەرپرسیارانە و نیشتمانیانە مامەڵە دەکات.

ڕفعەت عەبدوڵڵا ڕایگەیاند؛ لەدوای هەڵبژاردنی عیراق، یەکێتی بەپیادەکردنی سیاسەتێکی واقعی و نوێنەرایەتیکردنێکی ڕاستەقینەو بەرپرسیارانەتر، کەپێداگیری لەسەر ستراتیژێکی ھاوبەشی نیشتمانی دەکاتەوە دەچێتە بەغداد.

PUKMEDIA