لەسەر ئەرکى یەکێتی 10 پڕۆژەى خزمەتگوزاریى لە گەرمیان جێبەجێدەکرێن

کوردستانى نوێ

پڕۆژەى خزمەتگوزارى لە گەرمیان

لەسەر ئەرکى مەکتەبى ئیدارە و دارایى گشتیى یەکێتى و بە بڕى دوو ملیار و 750 ملیۆن دینار، 10 پڕۆژەى خزمەتگوزارى لە قەزاى رزگارى لە سنورى ئیدارەى گەرمیان لە قۆناغى جێبەجێکردندان.

ئەرسەلان ئەحمەد سەرۆکى شارەوانیى، رزگارى رایگەیاند: پڕۆژەکان لە گەڕەکە جیاوازەکانى قەزاى رزگارى جێبەجێدەکرێن و کارکردن لە بەشێکیاندا دەستیپێکردووە.

وتیشى: پرۆژەکان بریتین لە، قیرتاوکردن و کۆنکرێتکردنى چەندین شەقام و کۆڵانى گەڕەکەکاى رزگارى ، پڕۆژەى ئاوەڕۆ، دروستکردنى باخچە، هەڵکەندنى چوار بیرى قووڵ بۆ بەشى باخچەکانى شارەوانیى رزگارى، نۆژەنکردنەوەى تۆڕى کارەباى گەڕەکى سەنگاوییەکان، کڕینى سەلەیەکى کارەبایى مۆدێرن بۆ فەرمانگەى کارەباى رزگارى و هەروەها نۆژەنکردنەوەى تۆڕى ئاوى خواردنەوە.  

PUKMEDIA  / کوردستانى نوێ