قوباد تاڵەبانی:کەسوکاری شەهیدان لەهەموو کەس زیاتر مافیان بەسەر یەکێتییەوە هەیە

نوسینگەی راگەیاندنی قوباد تاڵەبانی

قوباد تاڵەبانی و کەسوکاری سەربەرزی شەهیدان

قوباد تاڵەبانی لێپرسراوی  مەکتەبی سکرتارییەتی سەرۆک مام جەلال و ئەندامی مەکتەبی سیاسیی یەکێتیی نیشتمانیی کوردستان لە هەولێر لەگەڵ کەسوکاری سەربەرزی شەهیدان کۆبووە و دووپاتیشی دەکاتەوە:" یەکێتی هێزی تۆیە و  کەسوکاری سەربەرزی شەهیدانیش لە هەموو کەس زیاتر مافیان بەسەر یەکێتییەوە هەیە".

 قوباد تاڵەبانی لە کۆبوونەوەکەدا ئاماژەی بەوەکردووە: یەکێتی هێزی تۆیە، یەکێتی حیزبی شەهیدانە و خانەوادە و کەسوکاری سەربەرزی شەهیدانیش لە هەموو کەس زیاتر مافیان بەسەر یەکێتییەوە هەیە.

راشیگەیاند:سەرسام بووم بەو هەموو دڵسۆزی و پەرۆشییەیان بۆ سەرخستنی یەکێتی. پێکەوە گفتوگۆمان کرد لەبارەی کاریگەریی و رۆڵی یەکلاکەرەوەی یەکێتی لە چارەسەرکردنی کێشەکان و بەدیهێنانی مافە دەستورییەکانی خەڵکی کوردستان.

 لە کۆتایشدا قوباد تاڵەبانی لێپرسراوی سکرتارییەتی سەرۆک مام جەلال دووپاتی کردەوە کە بۆ بەهێزترکردنی پێگەی هەرێمی کوردستان و باشترکردنی دۆخی ژیان و گوزەرانی خەڵکی کوردستان و چارەسەکردنی کێشەکانی نێوان هەرێم و بەغدا پێویستە هەموو لایەکمان هەوڵی تەواو بدەین تا زۆرترین دەنگ بۆ یەکێتی کۆبکەینەوە و پێگەی یەکێتی زۆر لە ئێستا بەهێزتر بکەین.

PUKMEDIA