وەزارەتی دارایی پارەی گەنمی جوتیاران خەرج دەکات

PUKMEDIA

گوڵە گەنم

پارەی گەنمی جوتیاران خەرجدەکرێت و وەزارەتی دارایی عیراقیش رایدەگەیەنێت:" بڕەکەی500 ملیار دینارە و وەک شایستە جوتیاران بۆ ساڵی 2025 خەرجدەکرێت".

وەزارەتی دارایی عیراق لە راگەیەندراوێکیدا ئاماژەی بەوەکردووە: دوای رەزامەندی محەمەد شیاع سودانی سەرۆکوەزیرانی عیراق و بەراسپاردەی تەیف سامی وەزیری دارایی، بەشی ژمێریاری وەزارەت دەستیکردووە بە خەرجکردنی گوژمەی شەشەمی پارەی گەنمی جوتیاران کە بڕی 500 ملیار دینارە.

ئاماژەی بەوەشکردووە، "ئەم ڕێوشوێنە لە چوارچێوەی پابەندبوونی وەزارەتدایە بۆ پاڵپشتیکردنی کەرتی کشتوکاڵ و دابینکردنی نەختینەیی دارایی، کەبارودۆخ و گوزەرانی جووتیاران مسۆگەر دەکات و هانیان دەدات بۆ بەردەوامبوون لە چاندنی بەروبومی ستراتیژی".

لە ڕاگەیەندراوەکەدا ئاماژە بەوەشکراوە:بەپێی ڕێکارە داراییە پەسەندکراوەکان ئەو بڕە خەرجدەکرێت، بۆ ئەوەی دڵنیابینەوە لەوەی شایستە داراییەکە راستەوخۆ بەبێ دواکەوتن دەگات بە جوتیاران.

PUKMEDIA