حزبە کوردستانییەکانی ئەڵمانیا: سەرۆک مام جەلال سیاسییەکی کاریگەری عیراق بوو

راگەیاندنی هاوکاری هێزە پارتەکانی سیاسی کورد لە ئەڵمانیا

لۆگۆی هاوکاری هێزە پارتەکانی سیاسی کورد لە ئەڵمانیا

نۆ حزبی کوردستانی لە ئەڵمانیا بەیاننامەیەکیان بۆ ساڵیادی کۆچی دوایی سەرۆک مام جەلال بڵاوکردەوە و ئاماژەیان بەوەداوە: سەرۆک مام جەلال سیاسییەکی کەریگەری عیراق و شانازی نەتەوەیەک بووە.

ئەمڕۆ 4ی 10ی 2025 نۆ حزبی دیموکراتخوازی ئەڵمانیا بەیاننامەیەکیان بۆ کۆچی دوایی مام جەلال بڵاوکردەوە و رایانگەیاندووە: مام جەلال هەموو تەمەنی خۆی بۆ ڕزگاری کوردستان و ڕزگاری گەلی کورد تەرخان کردبوو، سیاسەتمەدارێکی ژیر و کاریگەر و خاوەن دیدگایەکی گەورە بوو بۆیە بەدڵێکی خەمناکەوە یادی مام جەلال دەکەین و ڕێز لە گەشەکردنی دەگرین.

لەبەیاننامەکەدا باسیانلەوەشکردووە: مام جەلال تێکۆشەرێکی بێ وێنە بووە و یەکێک بووە لە سەرکردە گەورەکانی کوردستان، کە ماندوونەناسانە کاری بۆ بەدەستهێنانی مافەکانی گەلی کوردستان کردووە، هەروەها لەگەڵ شۆڕشی نوێ زەمینەی بۆ خەباتێکی نوێی باشووری کوردستان خۆش کرد و ڕۆڵی سەرەکی بینی لە دروستکردنی عێراقێکی فیدراڵی، کە مافەکانی گەلی کوردی لە دەستوری عێراقدا زامن کرد.

PUKMEDIA