riklam

بەتۆمەتی گەڕان بەدوای ئاساردا سێ تۆمەتبار دەستگیرکران

کوردستان 12:33 PM - 2025-09-29
وێنەى دەستگیرکراوەکان راگەیاندنى بەڕێوەبەرایەتی پۆلیسی پارێزگای سلێمانی

وێنەى دەستگیرکراوەکان

سلێمانی پۆلیس

بەڕێوەبەرایەتی پۆلیسی پارێزگای سلێمانی رایگەیاند: مەفرەزەکانی نوسینگەی نەهێشتنی تاوانی سەیدسادقی سەر بە بەشی پۆلسی نەهێشتنی تاوانی بەڕێوەبەرایەتیمان سێ تۆمەتباریان بەتۆمەتی گەڕان بەدوای ئاساردا دەستگیرکرد.

ئاماژەبەوەدراوە: دوای ئەوەی هێزەکانمان زانیاریان لەسەر چەند تۆمەتبارێک کۆکردەوە کە سەرقاڵی گەڕانن بەدوای ئاساردا و پاش وەرگرتنی بڕیاری دادوەری تایبەتمەند، توانرا لەلایەن مەفرەزەكانی نوسینگەی نەهێشتنی تاوانی سەیدسادق سێ تۆمەتبار دەستگیربکرێن.

هەر لە راگەیەنراوەکەدا ئەوەشهاتووە: لەکاتی پشکینی ماڵی تۆمەتباراندا دەستگیرا بەسەر بەردێکی بەنرخی ئاساریی و مستیلەیەکدا کە مستیلەکە بۆ ئەو بەردە بەنرخە ئامادەکرابوو.

لەئێستادا هەریەك لەتۆمەتباران (ش، ع، أ لەدایکبووی 1980- ک، غ، م لەدایکبووی 1985 - ن، س، ر لەدایکبووی 1985) بەبڕیاری دادوەر و بەپێی ماددەی 24/4 لەیاسای ژمارە 6ی ساڵی 2021ی ئاسار راگیراون و لێکۆڵینەوە له‌گه‌ڵیاندا بەردەوامه‌.

PUKMEDIA 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket