رێگای شەش گوند لە گەرمیان قیرتاو دەکرێن

PUKMEDIA

وێنەیەکى کاتى قیرتاوکردنى رێگاکان

شەش گوند لە گەرمیان قیرتاو دەکرێن و بەڕێوەبەری رێگاوبانی گەرمیان رایگەیاند: لە ئێستادا رێژەی تەواوبوونى کارەکان گەیشتووە بە سەرووی  15٪ .

عەدنان خەلیل بەڕێوەبەری رێگاوبانی گەرمیان بە وێبسایتى رەسمى یەکێتیى نیشتمانیى کوردستان PUKMEDIA ى راگەیاند: کارکردن لە پڕۆژەی دروستکردن و قیرتاوکردنی رێگای گوندەکانی ( گۆڕى مسقاڵ - پەلە ووشک ـ  هەوارە قولە - کاکە برا - کونە کۆتر - دوو ریانی ژاڵەى روغزایی) لەگەرمیان بەردەوامە، بە درێژى   14 کیلۆمەتر و 500 مەتر و بڕى گوژمەى سپاردنى پڕۆژەکە زیاتر لە چوار ملیار دینارە.

ئەوەشى خستەڕوو: پڕۆژەکە لە لایەن بەرێوەبەرایەتی رێگاوبانی گەرمیانەوە سەرپەرشتی دەکرێت و لە ئێستادا رێژەی تەواوبوونى کارەکان گەیشتووە بە سەرووی  15٪ .

PUKMEDIA