هەناردەى نەوتى هەرێم دەستیپێکردەوە

راگەیاندنى وەزارەتى نەوتى عیراق

هەناردەکردنەوەى نەوتى هەرێم

وەزارەتى نەوتى عیراق دەستپێکردنەوەى هەناردەى نەوتى هەرێمى کوردستانى راگەیاند و ئاشکرایکرد: بەبێ کێشە پڕۆسەکە دەستیپێکردووە.

لە راگەیەنراوێکدا وەزارەتى نەوت بڵاوى کردەوە: بەهەماهەنگى لەگەڵ وەزارەتى سامانە سروشتییەکانى حکومەتى هەرێمى کوردستان، سەعات 6ى بەیانى ئەمڕۆ شەممە رێکەوتی 27ى9ى2025، پڕۆسەی هەناردەکردنەوەی نەوتی خاو لە هەرێمەوە لە رێگەی هێڵی عیراق – تورکیا دەستیپێکردەوە.

ئاماژەبەوەشدراوە: هەناردەکردنەوەکە بە خێرایی و بەشێوەیەکى باش و رێک و پێک بووە، بەبێ تۆمارکردنی هیچ کێشەیەکی تەکنیکی،  ئەمەش رەنگدانەوەی سەرکەوتنی هەوڵە هاوبەشەکانی نێوان حکومەتی فیدراڵی و حکومەتی هەرێمە.

هه‌نارده‌ی نەوتى هه‌رێمی كوردستان له‌ ر‌ێگه‌ی بۆری جه‌یهانی توركیاوه‌ له‌ مانگی ئازاری 2023 به‌هۆی ناكۆكی یاسایی و ته‌كنیكی وه‌ستابوو.

PUKMEDIA