وەزارەتی دەرەوەو كونسوڵخانەی ئەمریكا پێشوازی لەرێككەوتنی نەوتیی عیراق و هەرێم دەكەن

AA

وەزارەتی دەرەوەی ئەمریكا

وەزارەتی دەرەوەی ئەمریكا و كونسوڵخانەی ئەمریكا لە هەولێر، لە بەیاننامەیەكدا پێشوازی لە راگەیاندنی رێككەوتنی نەوتی حكومەتی عیراق لەگەڵ حكومەتی هەرێمی كوردستان و كۆمپانیا نێودەوڵەتییەكان دەكەن بۆ دووبارە كردنەوەی بۆری عیراق-توركیا و رایدەگەیەنن: ئەم رێككەوتنە دەبێتە هۆی هاوبەی ئابووریی كە قازانجی بۆ ئەمریكا و عیراق هەیە.

وەزارەتی دەرەوەی ئەمریكا و كونسوڵخانەی ئەمریكا لە هەولێر رایدەگەیەنن: پێشوازی لە راگەیاندنی رێككەوتنی نەوتی حكومەتی عیراق لەگەڵ حكومەتی هەرێمی كوردستان و كۆمپانیا نێودەوڵەتییەكان دەكەین بۆ دووبارە كردنەوەی بۆری عیراق-توركیا، رێكەوتنێك كە لەلایەن ئەمریكاوە ئاسانكاری بۆ كراوە و سوودی بەرچاو بۆ ئەمریكییەكان و عیراقییەكان دەهێنێتە كایەوە.

ئاماژە بەوەشدەكەن: ئەم رێككەوتنە دەبێتە هۆی هاوبەشی ئابووریی كە قازانجی بۆ ئەمریكا و عیراق هەیە و هانی ژینگەیەكی وەبەرهێنانی سەقامگیرتر دەدات لە سەرتاسەری عیراق بە تایبەت بۆ كۆمپانیا ئەمریكییەكان، و باشتركردنی ئاسایشی وزەی ناوچەكە، و بەهێزكردنی سەروەری عیراق.


PUKMEDIA