وەزارەتی سامانە سروشتیییەکانی هەرێم: چاوەڕوانی بەغداین بۆ هەناردەکردنەوەی نەوت

THE CRADLE

کێڵگەی نەوتی

وەزارەتی سامانە سروشتییەکانی هەرێم رایگەیاندووە پەباندی تەواوییان دەربڕیوە بۆ هەناردەکردنەوەی نەوت، بەڵام چاوەڕوانی نوسراوی رەسمی بەغدان.

ئەمڕۆ چوارشەممە 24ی ئەیلولی 2025 وەزارەتی سامانە سروشتییەکانی هەرێم لە راگەیەندراوێکدا ئاماژەی بەوەکردووە: تەواوی پابەندییەکانی خۆی بۆ هەناردەکردنەوەی نەوتی هەرێم لەگەڵ وەزارەتی نەوتی فیدراڵ جێبەجێ کردووە و ئیمزا بەسەرجەم کۆمپانیا بیانی و ناوخۆییەکانیش کراوە.

باسی لەوەشکردووە: تەنها یەک کۆمپانیا هەیە کەئەو ڕێکەوتنەی ئیمزا نەکردووە، بەڵام کاریگەری لەسەر ڕێکەوتنە سێ قۆڵییەکەی نێوان هەرێم و بەغدا و کۆمپانیاکانی دیکە نییە.

لەراگەیەندراوەکەدا ئەوەشخراوەتەڕوو: لەئێستادا چاوەڕوانی وەزارەتی نەوتی فیدراڵین بۆ ناردنی نوسراوی رەسمی بۆ ئەوەی بە زووترین کات کۆمپانیای سۆمۆ دەست بە هەناردەکردنی نەوتی هەرێم بکات.

ئەمەش لەدوای ئەوەدێت، رۆژی دووشەممە 22ی ئەیلولی 2025، رێککەوتنێکی سێ قۆڵی لەنێوان هەردوو حکومەتی هەرێم و عیراق و کۆمپانیا ناوخۆیی و بیانییەکانی بەرهەمهینانی نەوتی هەرێمدا کرا بۆ ئەوەی کۆمپانیای سۆمۆ دەست بە هەناردەکردنەوەی نەوتی هەرێم بکات.

PUKMEDIA