سەرۆککۆماری عیراق و قوباد تاڵەبانی بەشداری ئاهەنگی دامەزراندنی نەتەوە یەکگرتووەکان دەکەن

راگەیاندنی سەرۆکایەتی کۆماری عیراق

نەتەوە یەکگرتووەکان

سەرۆککۆماری عیراق و جێگری سەرۆکی ئەنجومەنی وەزیرانی هەرێم بەشداری ئاهەنگی  80 هەمین ساڵڕۆژی دامەزراندنی نەتەوە یەکگرتووەکان دەکەن.

ئەمڕۆ دووشەممە 22ی ئەیلولی 2025 پێگەی رەسمی سەرۆکایەتی کۆماری عیراق رایگەیاندووە: ، د. لەتیف رەشید، سەرۆککۆماری عیراق بەشداری 80هەمین ساڵڕۆژی دامەزراندنی نەتەوە یەکگرتووەکانی کرد و ئەم بەشداریکردنە گوزارشتە لە ستایشی عیراق بۆ هەوڵی نەتەوەیەکگرتوەکان لە پاراستنی ئاشتی و ئاسایشی نێودەوڵەتی و ڕێزگرتن لە مافەکانی مرۆڤ و پرەنسیپەکانی ئازادیی.

لە راگەیەندراوەکەی سەرۆکایەتی کۆماردا هاتووە، لە وەفدەکەی عیراقدا هەریەکە لە قوباد تاڵەبانی، جێگری سەرۆکی حکومەتی هەرێمی کوردستان و د. فوئاد حوسێن، وەزیری دەرەوەی عیراق و قاسم ئەعرەجی، راوێژکاری ئاسایشی نەتەوەیی عیراق و دکتۆر عەلی شوکری، سەرۆکی دەستەی راوێژکاران و شارەزایانی سەرۆکایەتی کۆمار؛و دکتۆر خالید یەعقوبی، راوێژکاری سەرۆک وەزیران ئامادە بوون.

PUKMEDIA