راپه‌ڕین.. نزیكه‌ی 200 گوللـه‌ ئاربیجی و هاوه‌ن و تۆپ هه‌ڵگیرانه‌وه‌

راگەیاندنى به‌ڕ‌ێوه‌به‌رایه‌تی ئاسایشی ڕ‌اپه‌ڕ‌ین

تەقەمەنى

تیمی هه‌ڵگرتنه‌وه‌ی چه‌ك و ته‌قه‌مه‌نی له‌ به‌ڕ‌ێوه‌به‌رایه‌تی ئاسایشی ڕ‌اپه‌ڕ‌ین له‌ راگه‌یه‌نراوێكدا ئاماژه‌ بۆ ئه‌وه‌ ده‌كات:" هێشتا به‌شێك له‌گولله‌ ئاربیجی و هاوه‌ن و تۆپ، له‌سنووری راپه‌ڕین ماون و داوا له‌هاووڵاتییان ده‌كه‌ین ده‌ستكارییان نه‌كه‌ن و په‌یوه‌ندیمان پێوه‌بكه‌ن".

ده‌قی راگه‌یه‌نراوه‌كه‌...

دوای ئه‌وه‌ی تیمی هه‌ڵگرتنه‌وه‌ی چه‌ك و ته‌قه‌مه‌نی له‌ به‌ڕ‌ێوه‌به‌رایه‌تی ئاسایشی راپه‌ڕ‌ین ئاگاداركرایه‌وه‌، له‌هه‌بوونی ژماره‌یه‌كی زۆر حه‌شووه‌ ئاربیجی و گولله‌ هاوه‌نی قه‌باره‌ جیاواز (ته‌قه‌مه‌نی كۆن ) له‌سنوری (گوندی ئه‌ستریلان) له‌شوێنی كۆنی ئه‌و چاڵانه‌دا ده‌ركه‌وتون كه‌ پێشتر غه‌ساله‌كان دروستیانكردووه‌ ده‌ركه‌وتبوون.

دوای ئاگاداركردنه‌وه‌كه‌ تیمێكی تایبه‌تی هه‌ڵگرتنه‌وه‌ی چه‌ك و ته‌قه‌مه‌نی به‌ڕ‌ێوه‌به‌رایه‌تی ئاسایشی راپه‌ڕ‌ین توانیان زیاتر له‌(200) گولله‌ ئاربیجی هه‌ڵبگرنه‌وه‌ كه‌ له‌و چاڵانه‌دا ده‌ركه‌وتون.

بۆ زانیاری هاووڵاتیانی خۆشه‌ویست، به‌شێك له‌و گولله‌ ئاربیجی و هاوه‌ن و تۆپه‌ كۆنانه‌ى كه‌ دۆزراونه‌ته‌وه‌، هێشتا مه‌ترسیدارن بۆ سه‌ر گیانی هاووڵاتییان و تكایه‌ به‌ بێباكی ده‌ستیان لێنه‌درێت و نه‌جوڵێنرێن، چونكه‌ به‌شێكیان تی- ئێن- تی-یان تێداماوه‌.

PUKMEDIA