هاتووچۆی سلێمانی پلانی خۆی بۆ دەسپێكی نوێی خوێندن رادەگەیەنێت

راگەیاندنی بەڕێوبەرایەتی هاتووچۆی پارێزگای سلێمانی

بەڕێوبەرایەتی هاتووچۆی پارێزگای سلێمانی

هاتووچۆی سلێمانی، پلانی خۆی سەبارەت بە دەسپێكی وەرزی نوێی خوێندن بڵاوكردەوە و داوا لە شۆفێران دەكات رەچاوی خێراییەكان بكەن لەناوچەكانی نیشتەجێبوون و بەردەم ناوەندەكانی خوێندن، داواش لەو شۆفێرانە دەكات كەمنداڵ و خوێندكاران دەگوازنەوە، رەچاوی ژمارەی یاسایی خویندكاران لەناو پاسەكانیاندا بكەن. 

بەڕێوبەرایەتی هاتووچۆی پارێزگای سلێمانی، پلانی خۆی بۆ شۆفێران و لایەنە پەیوەندیدارەكان سەبارەت بە دەسپێكی وەرزی نوێی خوێندن بڵاوكردەوە و رایگەیاند: هاتنە ناوەوەی بارهەڵگرەكان بۆ ناوشاری سلێمانی لەڕێگەی بازگەكان و سنووری شەقامی بازنەیی مەلیك مەحمود لە  رۆژی یەك شەممە 21 ی 9ی 2025،  لە سەعات 7:30 بۆ 8:30 جگە لە رۆژانی هەینی قەدەغەیە، بە مەبەستی كەم كردنەوەی لۆد و قەرەباڵغی و گرفت و ئاستەنگی هاتووچۆ، جێبەجێكردنی ئەم كارەش لە ئەستۆی مەفرەزەكانی بەشی هاتووچۆی بازگەكان  و هەردوو هاتووچۆی ناوشار  (رۆژهەڵات و رۆژئاوا )جێ بەجێ دەكرێت، جگە لە قەدەغەكردنی هاتنە ناوەوە، لێپرسینەوەی یاسایی دەكرێت بەرامبەر هەر سەرپێچیەكی تر.

راشیگەیاند: داوا لە شۆفێران دەكەین رەچاوی خێراییەكان بكەن لەناوچەكانی نیشتەجێبوون و بەردەم سەرجەم ناوەندەكانی خوێندن و ئاگاداری زیاتریان هەبێت بۆمنداڵان و پیادە رەوەكان. 

هاتوچۆی سلێمانی داواش لەشۆفێرانی ئەو پاسانە دەكات كەمنداڵ و خوێندكاران دەگوازنەوە، رەچاوی ژمارەی یاسایی خویندكاران لەناو پاسەكانیان بكەن و سەرنشینی زیادە سەرنەخەن و رێگا بە منداڵان نەدەن بەشێك لەجەستەیان لەجامەكان دەربكەن و لەجێی خۆیان دابنیشین، لەكاتی سەركەوتن و دابەزین لەبەردەم قوتابجانەكان ئاستەنگ و لۆد دروست نەكەن و مەفرەزەكانی هاتووچۆی ناوشار لەكاتی سەرپێچیكردنی شۆفێرەكان لێپرسینەوەی یاسایی دەكەن .

PUKMEDIA