له‌سه‌ر راسپارده‌ی قوباد تاڵه‌بانی پاره‌ی ده‌رمان بۆ نه‌خۆشخانه‌كانی سلێمانی خه‌رجكرا

نوسینگەی رۆژنامەوانی قوباد تاڵەبانی

قوباد تاڵەبانی جێگری سەرۆکی ئەنجومەنی وەزیرانى حکومەتى هەرێمى کوردستان

بەڕێوەبەرایەتی گشتی تەندروستی سلێمانی  رایگەیاند: دوای ئەوەی لەسەر راسپاردەی قوباد تاڵەبانی جێگری سەرۆکی ئەنجومەنی وەزیرانی هەرێم، بڕیاری چارەسەرکردنی کێشەی نەشتەرگەری و دەرمان و نەبوونی کەرەستەی پزیشکی لە سلێمانی درا، ئەمڕۆ دەستکرا بە خەرجکردنی پارەکە.

ئەمڕۆ چوارشەممە 17ى9ى2025 بەڕێوەبەرایەتی گشتی تەندروستی سلێمانی رایگەیاند: دوای ئەوەی لەسەر راسپاردەی قوباد تاڵەبانی جێگری سەرۆکی ئەنجومەنی وەزیرانی هەرێم و ئاوات شێخ جەناب وەزیری دارایی  بڕیاری چارەسەرکردنی کێشەی نەشتەرگەری و دەرمان و نەبوونی کەرەستەی پزیشکی لە سلێمانی درا، ئەمڕۆ دەستکرا بە خەرجکردنی پارەکە.

هەر لە راگەیەنراوەکەدا هاتووە: بە هەوڵی د. ماکوان بەڕێوەبەری لقی سلێمانی بانکی هەرێم دەستکرا بە خەرجکردنی پارەی نەختینەی بەڕێوەبەرایەتی گشتی تەندروستی سلێمانی و بەمەش کێشەی نەشتەرگەری و دەرمان و نەبوونی کەرەستەی پێویستی پزیشکی لە سلێمانی تا کۆتایی ئەمساڵ کۆتایی هات.

PUKMEDIA