ئەنجومەنى وەزیرانى هەرێم بۆ پرسی مووچە کۆدەبێتەوە

PUKMEDIA

لۆگۆى حکومەتى هەرێمى کوردستان

ئەمڕۆ چوارشەممە 17ی ئەیلوولی 2025، ئەنجومەنی وەزیرانی هەرێمی کوردستان کۆدەبێتەوە.

لە راگەیەنراوێکدا حکومەتى هەرێمى کوردستان رایگەیاند: لە کۆبوونەوەکەدا ئەنجومەنی وەزیران، دواپێشهاتی دۆسیەی هەناردەكردنی نەوتی هەرێم و بابەتی داهاتە نانەوتییەكان و مووچە و شایستە داراییەكانی مووچەخۆرانی هەرێم گفتوگۆ دەكات.

ئاماژەبەوەشدراوە: لە بڕگەیەكی دیكەدا، پرۆسەی یەكخستنەوەی رێكارە داراییەكان لەنێوان حكومەتی هەرێم و حكومەتی فیدراڵی، لەبەر رۆشنایی كۆنووسی كۆبوونەوەی نوێنەرانی هەردوولا لە رێكەوتی 9ی 7ی 2025، لەبارەی رێكار و رێنماییەكانی باج و رێژەكانیان گفتوگۆ دەكات.

ئەوەش روونکراوەتەوە: لە بڕگەی کۆتاییدا، پڕۆسەی دەستپێكی ساڵی نوێی خوێندن لە هەرێمی كوردستان، بۆ ساڵی 2025-2026 دەخرێتەڕوو.

PUKMEDIA