سودانی بۆ بەشداریکردن لە لوتکەی عەرەبی گەیشتە قەتەر

نوسینگەی رۆژنامەوانی سەرۆک وەزیرانی عیراق

سەرۆک وەزیرانی عیراق و ئەمیری قەتەر

بۆ بەشداریکردن لە کۆبوونەوەی لوتکەی عەرەبی پەیوەست بە مەترسییەکانی ئیسرائیل محەمەد شیاع سودانی گەیشتە دەوحەی پایتەختی قەتەر.

ئەمڕۆ دوو شەممە 15ی ئەیلولی 2025، نوسینگەی رەسمی راگەیاندنی محەمەد شیاع سودانی، سەرۆک وەزیرانی عیراق بڵاویکردووەتەوە: سەرۆک وەزیرانی عیراق بە سەردانێکی رەسمی گەیشتە دەوحەی پایتەختی قەتەر، بەمەبەستی بەشداریکردن لە لوتکەی عەرەبی ئیسلامی کە بەشێوەیەکی بەپەلە لەبارەی هێرشەکانی ئیسرائیل بۆ سەر قەتەر بەڕێوەدەچێت.

ئەمەش لەدوای ئەوەدێت لە دوای نیوەڕۆی 9ی ئەیلولی 2025دا ئیسرائیل بەبەکارهێنانی 10 فڕۆکەی جەنگی هێرشی کردە سەر چەند بەرپرسێکی حەماس لە باڵەخانەیەکی دەوحەی پایتەختی قەتەر و بەم هێرشەشی تەواوی وڵاتانی عەرەبی شۆک کرد.

PUKMEDIA