ئەمڕۆ ئەنجوومەنی نوێنەران سەبارەت بە 11 بڕگە کۆدەبێتەوە

PUKMEDIA

ئەنجوومەنى نوێنەرانى عیراق

وا بڕ‌یاره‌ ئەمڕۆ دووشه‌ممه‌ 15ی9ی2025 ئه‌نجوومه‌نی نوێنه‌رانی عیراق كۆببێته‌وه‌ و ده‌نگ بە حه‌وت پڕ‌ۆژه‌یاسا بدات، هاوكات بڕ‌یاریشه‌ خوێندنه‌وه‌ بۆ چوار پڕ‌ۆژه‌یاسا بكات.

به‌گوێره‌ی كارنامه‌ی كۆبوونه‌وه‌کە، کە‌ وێنه‌یه‌كه‌ی ده‌ست  PUKMEDIA  كه‌وتووه‌: دانیشتنه‌كه‌ سه‌عات 1:00ی دواینیوه‌ڕ‌ۆ ده‌ستپێده‌كات و په‌ره‌پێدانی وه‌به‌رهێنانی زیاتر له‌نێوان عیراق و سعودییه‌ یه‌كێك ده‌بێت له‌و هه‌شت پڕ‌ۆژه‌یاسایه‌ی ده‌خرێنه‌ ده‌نگدانه‌وه‌، بڕگاكانی كۆبوونه‌وه‌ بریتین له‌...

* ده‌نگدان له‌سه‌ر هه‌مواری پڕ‌ۆژه‌یاسای ژماره‌ یه‌كی ساڵی 2024  كه‌ تایبه‌ته‌ به‌ ده‌سه‌ڵاتی كۆنتڕ‌ۆڵی ناوه‌كی و تیشكده‌یی و كیمیایی و بایۆلۆجی. (لیژنه‌ی ته‌ندروستی و ژینگه‌) (دوو ماده‌).

* ده‌نگدان له‌سه‌ر پڕ‌ۆژه‌یاسای رێكخستنی وزه‌ی نوێبوونه‌وه‌، (لیژنه‌ی كاره‌با و وزه‌)، (23 ماده‌).

* ده‌نگدان له‌سه‌ر پڕ‌ۆژه‌یاسای ته‌ندروستی ده‌روونی (لیژنه‌ی ته‌ندروستی و ژینگه‌، لیژنه‌ی یاسایی)، (41 ماده‌).

*ده‌نگدان له‌سه‌ر پڕ‌ۆژه‌یاسای په‌سه‌ندكردنی رێككه‌وتنی پاراستن و په‌ره‌پێدانی وه‌به‌رهێنانی نێوان وڵاتی عیراق و سعودییه‌، (لیژنه‌ی په‌یوه‌ندییه‌كانی ده‌ره‌وه‌، لیژنه‌ی وه‌به‌رهێنان و په‌ره‌پێدان)، (دوو ماده‌).

*ده‌نگدان له‌سه‌ر هه‌مواری پڕ‌ۆژه‌یاسای ژماره‌ پێنجی ساڵی 2009 كه‌ تایبه‌ته‌ به‌و كه‌سانه‌ی به‌هۆی رژێمی پێشووه‌وه‌ كه‌م ئه‌ندام بوون، (لیژنه‌ی قوربانیان و شه‌هیدان، لیژنه‌ی یاسایی)، (شه‌ش ماده‌).

*ده‌نگدان له‌سه‌ر هه‌مواری پڕ‌ۆژه‌یاسای ژماره‌ (20)ی ساڵی 1998 كه‌ تایبه‌ته‌ به‌ وه‌به‌رهێنانی پیشه‌سازی بۆ كارگه‌ تایبه‌ته‌كان، (لیژنه‌ی وه‌به‌رهێنان و په‌ره‌پێدان)، (نۆ ماده‌).

* ده‌نگدان له‌سه‌ر هه‌مواری پڕ‌ۆژه‌ یاسای ژماره‌ (44)ی ساڵی 2013 كه‌ تایبه‌ته‌ یاسای به‌رگری مه‌ده‌نی، (لیژنه‌ی ئاسایش و به‌رگری)،(نۆ ماده‌).

* خوێندنه‌وه‌ی یه‌كه‌م بۆ هه‌مواری سێیه‌می پڕ‌ۆژه‌یاسای ژماره‌ (23)ی ساڵی 2008 كه‌ تایبه‌ته‌ به‌ خزمه‌تگوزارییه‌ زانكۆییه‌كان، (لیژنه‌ی خوێندنی باڵا و توێژینه‌وه‌ی زانستی)، (حه‌وت ماده‌).

* خوێندنه‌وه‌ی یه‌كه‌م بۆ هه‌مواری دووه‌می پڕ‌ۆژه‌یاسای ژماره‌ (28)ی ساڵی 2009 كه‌ تایبه‌ته‌ به‌ سندوقی قه‌رزه‌ كشتوكاڵییه‌كان، (لیژنه‌ی كشتوكاڵ و ئاو و ئه‌هواره‌كان، لیژنه‌ی دارایی)، (چوار ماده‌).

* خوێندنه‌وه‌ی دووه‌م بۆ هه‌مواری پڕ‌ۆژه‌یاسای ژماره‌ (55)ی ساڵی 2017 كه‌ تایبه‌ته‌ به‌ چاودێری داهاته‌ فیدڕ‌اڵییه‌كان، (لیژنه‌ی دارایی).

*خوێندنه‌وه‌ی دووه‌م بۆ پڕ‌ۆژه‌یاسای كۆلێژی فڕ‌ۆكه‌وانی جه‌نگی، (لیژنه‌ی ئاسایش و به‌رگری).

PUKMEDIA