پاڵاوگەی کەرکوك دەکرێتەوە

PUKMEDIA

شاری کەرکوک

بڕیارە سەعات 11:00ی پێشنیوەڕۆی ئەمڕۆ 15ی9ی2025، پاڵاوگەی کەرکوك بکرێتەوە، کە لەتوانایدایە رۆژانە 12 هەزار بەرمیل بەنزینی ئۆکتان و کوالێتی بەرز بەرهەمبهێنێت.

حەیان عەبدولغەنی وەزیری نەوتی عیراق بە ئاژانسی هەواڵی عیراقی راگەیاند: پاڵاوگەی کەرکوک کە سەر بە کۆمپانیای پاڵاوگەکانی باکوورە، دەستیکردووە بە بەرهەمهێنانی بەنزینێكی ئۆکتان و کوالێتیی بەرز، ئەوەش لەدوای ئەوەی یەکەی هایدرۆجینکردن و ئایزۆمێکردن لە پاڵاوگەکەدا کرایەوە.

ئاماژەی بەوەشکرد، پاڵاوگەی کەرکوك لە توانایدایە رۆژانە 12 هەزار بەرمیل لەو بەنزینە کوالێتیی بەرزە، بەرهەمبهێنێت.

وەزیری نەوتی عیراق راشیگەیاند: ئەو پەرەسەندنە رۆڵێکی بەرچاوی دەبێت، لە پڕکردنەوەی زۆرێک لە پێداویستییەکانی بازاڕی ناوخۆ و کەمکردنەوەی پشتبەستن بە هاوردەکردنی بەنزین لە بازاڕەکانی دەرەوە.

PUKMEDIA