500 ملیار دینار بۆ پشتیوانیکردنی جووتیاران دابینکرا

جریدة الطریق

کار کردن لە زەوییەکى کشتوکاڵى

حکومەتی عیراق بڕیاریدا بڕی 500 ملیار دینار بۆ پشتیوانیکردنی جووتیاران و کەرتی کشتوکاڵ دابینکرا.

ئەسیر غەریری وەزیری بازرگانی عیراق، لە راگەیەنراوێدا رایگەیاند: سەرۆکوەزیران رەزامەندیداوە لەسەر تەرخانکردنی بڕی 500 ملیار دینار بۆ پشتیوانیکردنی جووتیاران لە سەرجەم پارێزگاکاندا.

روونیشیکردەوە: کە ئەو هەنگاوە لە چوارچێوەی پشتیوانیکردنی جووتیاران و بەهێزکردنی کەرتی کشتوکاڵدایە.

راشیگەیاند: ئەم بڕیارە لەگەڵ ئاڕاستەکانی حکومەتدا یەکدەگرێتەوە، کە ئامانجیان بەهێزکردنی جووتیاران و دابینکردنی پێداویستییەکانی پەرەپێدانی کەرتی کشتوکاڵە، بە شێوەیەک کە رۆڵی لە بەدیهێنانی ئاسایشی خۆراک و پشتیوانیکردنی ئابووریی نیشتمانی هەبێت.

ئەسیرغەریری وەزیری بازرگانی عیراق، ئاماژەی بەوەشکرد: کە ئەم پشتیوانییە هەنگاوێکی گرنگە بۆ بەهێزکردنی متمانەی جووتیاران بە بەرنامەکانی دەوڵەت و هاندانیان بۆ زیادکردنی بەرهەم و فراوانکردنی رووبەری زەوییە داچێندراوەکان، بە شێوەیەک کە سەقامگیری بۆ بازاڕی خۆماڵی بەدی بهێنێت.

PUKMEDIA